"Айқын" республикалық қоғамдық-саяси газет

Басым бағыт - басты бағдар

«Әлеуметтік-экономикалық жаңғырту - Қазақстан дамуының басты бағыты» атты Жолдауында Елбасымыз Нұрсұлтан Әбішұлы Назарбаев елдің дамуының он басым бағытын, оның ішінде Қазақстандағы адам капиталының сапалы өсуін анықтады.

Жоғары білім беруді дамы­ту­дың әлемдік бағыттарына сүйене оты­рып, әл-Фараби атындағы Қа­зақ ұлттық университетінде білім беру қызметін жаппай жаңа­шыл­дандыру қолға алынуда. Сонымен қатар білім берудегі басты назар құзыреттілікке аударылып, білім беру бағдарламаларының жо­балары жұмыс берушілердің та­лаптарына сай жасалуда.
Жаңа экспериментальді білім беру бағдарламалары Кембридж, Оксфорд, Беркли, Бостон, Стэн­форд, Уэльский, Миддисекский және басқа да университеттердің бағдарламаларымен мазмұндас болып, ECTS European Credit Transfer and Accumulation System жүйесі бойынша оқытудың үш баспалдағына (бакалавриат - магистратура - докторантура PHD) сәйкес келеді.
Оқу бағдарламаларының шетел­дік бағдарламаларымен сәй­кес болуы бізде білім алушылардың академиялық мобильділіктерін белгілі дәрежеде арттырып, сту­денттеріміз бен магистрант­та­рымыз әлемнің алдыңғы қатарын жоғары оқу орындарында нақты несие бойынша білім алуын қам­тамасыз етуде.
Оқытудың сапасын жақ­сар­туды ары қарай дамыту мақсатында әлемдік стандарттарға сәйкес құзыреттілік негізінде бакалавриат, магистратура, докторантураға арналған модульдік оқытудың жаңа тұжырымдамасы жасалды. Модульдік оқытудың артық­шы­лығы, біріншіден, нәтижеге ба­ғытталған оқытуды іске асырудың тиімділігінде және академиялық мобильділікті кеңейтуде болып табылады.
Әл-Фараби атындағы ҚазҰУ білім беру интеграциясында, ғы­лым мен инновациялық қызметте, магистранттар мен докторант PHD дайындауда, жоғары оқу орнынан кейінгі үздіксіз білім беруде, білім беру технологиялары­ның жаңа түрлерін кеңейтуде, со­ның ішінде e-learnig, ұсынылған қызмет салаларын дамытуда, білім беру бағдарламаларының қоғам­ның нақты қажеттіліктеріне сәй­кес болуы үшін өз қызметін бел­сенді түрде жалғастыруда.
ҚазҰУ түлегі мәселелерді ше­шіп қана қоймай, оларды анықтап және тұжырымдап, оны шешуді өз қолына алатын және ұжымда дұ­рыс қарым-қатынас орнатуға қа­білетті бола алады.
Мақсаттарға жету үшін Пре­зи­денттің Жолдауында атап көр­се­тілгендей оқытушылар жаңа әдіс­тер мен технологияларды енгізуі тиіс.
Бүгінгі таңда біздің көптеген оқытушылар мәселелік оқыту және жобалық әдіс техноло­гия­ларын оқу үдерісінде кеңінен пай­даланады. Оқытушылар арасында, университеттік конференциялар мен семинарларда тәжірибе ал­масу белсенді түрде жүргізілуде.
Жалпы алғанда, қазір білімді қа­лыптастыратын, берілетін, прак­тикаға енгізілетін жүйе құры­лып, дамуда және ол берілуде, енгізілуде. Оқытушылардың бұл жүйесін қалыптасқан білім беру жүйесі, өздігінен дамып жатқан, педагогикалық құрамның сапасын көтеретін жүйе ретінде қарастыруға болады, бұл Елбасы Жолдауындағы білім беру саласына белгіленген міндеттердің бірі болып табылады. Білім беруде жаңа тиімді фор­ма­лар­ды іздеу үдерісіне оқы­ту­шы­ларды қосу кездейсоқ емес, бұл бі­ріншіден, креативтілікпен, жоғары біліктілікпен және біздің оқытушылардың жұмысқа толық берілуге дайындығымен байла­нысты, екіншіден, бұл университет басшылығының жүйелі, әдісқой, әр салаға бағытталған жұмысының нәтижесі. 42-халықаралық ғы­лыми практикалық конфе­рен­ция жұмысы келесі бағыттарда жүр­гізілді:
- Білім беру үдерісіндегі инно­вациялық әдістер, СӨЖ/МӨЖ/ДӨЖ-дің модульдік оқытудағы жаңа формасы (модератор Тка­ченко Игорь Михайлович, Ва­ленсия политехникалық универ­ситеті, Испания);
- Оқу үдерісін кітаптармен қам­тамасыз ету, электронды оқу­лықтар жасау (модератор Тимоти Лоу, Ұлыбритания ашық уни­верситеті);
- Ғылым интеграциясы, білім беру, өндіріс: академиялық мо­биль­ділік, жұмыс берушілер курсы, бәсекеге қабілетті маман­дар­ды дайындау (модератор Ти­мошенко Виктор МГУ, Ресей);
- Тілдерді үйрету және жалпы бі­лім беру пәндерін оқыту тех­но­логиясы (модератор Мехмет Арслан, Юнус Эмре халықаралық ұйымы, Түркия PhD).
«Магистратура және PhD білім беру бағдарламаларын іске асыру-зерттеу университеті қызметінің негізгі бөлігі» және әл-Фараби атын­дағы Қазақ ұлттық уни­вер­ситеті информатика ка­федра­сының 10 жылдығына арналған пәнаралық ғылыми- әдістемелік семинар: «Білім беру үдерісіндегі IT рөлі» атты дөңгелек үстел ұйымдастырылды.
Конференция шеңберінде 399 баян­дама талқыланып, баян­да­малар қазақ, орыс және ағылшын тілдерінде жасалды. Барлық сек­циялардың модераторлары - шетелдік профессорлар - әл-Фараби атындағы ҚазҰУ оқы­тушы-профессорлар құра­мының жоғарғы біліктілігін, мәселелердің толыққанды тал­қылануын, конференцияның жо­ғары деңгейде ұйымдастырылуын атап көрсетті.
Студенттерге білім берудің нақты практикалық жолдары мен инновациялық әдістер ұсынылды, сондай-ақ мотивацияны күшейту тәсілдері мен студенттердің өзін оқу үдерісіне тарту жолдары көр­сетілді. Тұлғалық бағдарлы оқы­туға және тәрбие жұмысын жақ­сарту жолдарына, халықаралық ғылыми-білім беру қауымдастығы­ның жаһандану жағдайындағы әлемдік білім беру және еңбек нарығының талаптарына, Қазақ­стан­ның жоғары білім беру жүйе­сінің интеграциясына бейімделуге ерекше көңіл бөлінді.
Қорыта келгенде, әл-Фараби атын­дағы ҚазҰУ-де рейтинг агенттіктерінің әртүрлі бағалау­ла­рына сәйкес келетін барлық жағдай жасалғанын айта кету керек. (ҚазҰУ ұлттық рейтингте бірінші орын және QS әлемдік рейтингінде 401-орында) және оқу-әдістемелік, ғылыми инно­вациялық және тәрбие істеріндегі едәуір жетістіктерімен жоғары деңгейдегі зерттеу университетінің қызметінде көрсете алады.

Гүлнар БАЛАҚАЕВА,
әл-Фараби атындағы ҚазҰУ-дың проректоры,
Алматы қаласы