«Пластиксіз табиғат» экологиялық сенбілігі

Соңғы уақытта елі­міз­де тұрақты даму мақсат­та­ры жайында жиі ай­тылып, оның маңыз­дылығы қоғамда талқы­ла­нуда. Тұрақты дамудың 17 мақсаты бар. Соның 15-ші мақсаты – құрлық эко­жүйе­­лерін сақтау. Экожүйені қорғау және оны қалпына келтіру – үлкен мә­селе. Осы тұрақты даму мақсат­та­ры аясында қолға алы­натын шаруа аз емес. 

Мәселен, қоршаған ортаны дұрыс пайдалануға жәрдем­де­су, орманды оңтайлы пай­да­лану, шөлге айналуға қарсы кү­рес, жердің тозуы үдерісін тоқ­тату және кері бұру, био­ло­гиялық алуантүрліліктен айы­­рылу үдерісін тоқтатуға қоғам болып күш салуымыз керек. Бұл қоршаған ортаны қал­дық­тардан тазарту, қал­дық­тарды қай­та өңдеу, то­пы­рақта ыды­ра­майтын мате­риалдардан жа­салған зат­­тарды тұтыну кө­лемін азай­­ту немесе тоқтату, бір сөз­бен айтқанда, қоршаған ор­таның фаунасы мен фло­ра­сына және адамзаттың өмір сүруіне кедергі келтіретін бар­лық антропогендік фа­к­тор­­­лар­дың ықпалын азайту немесе мүлдем болдырмауға ұмтылу. Сондықтан әр адам­ның қор­ша­ған табиғатты кү­тіп-баптап, зиянды қал­дық­тарды тас­та­май, оларды өң­дейтін арнайы орын­дарға жет­кізуі де осы атал­ған мақ­саттың орын­да­луы­на үлесін қосқаны болып есептеледі.

Осы орайда, студент жас­тар­­ға тұрақты даму мақсат­та­рын түсіндіріп, оларға эколо­гия­лық тәрбие беру мақ­­сатында химия және хи­мия­лық технология мен меди­цина және денсаулық сақтау факультеттерінің 2-курс сту­дент­теріне Бутаковка шатқа­лын­да экологиялық сенбілік ұйымдастырылды. Сенбілік ба­рысында студенттерге пла­с­тикалық ыдыстардың химия­лық құрамы мен қасиеттері, олар­дың қоршаған ортаға және адам денсаулығына зия­ны жайында айтып бердік. Пластиктен жасалған ыдыстар, түрлі бұйымдар топырақта ыдырамай, жер бетін қатты қалдықтарға толтырып жатыр әрі ол топырақ эрозиясына әкеп соқтырады. Бұл экожүйе үшін үлкен апат. Сондықтан ша­ра мақсатының бірі – No plastic in nature, яғни «Плас­тик­сіз табиғат» девизімен студент жастарға пластик заттарды тұтыну мөлшерін азайту және әрбір тұтыну барысында са­налы түрде ойланып, пластик ыдыстардың орнын басқа ма­те­­риалдан жасалған ыдыс­тар­мен алмастыруды түсіндіру бол­ды. Сонымен қатар эколо­гия­лық сенбілікте студенттер Бутаковка шатқалындағы қо­қыс­тарды және қатты қал­дық­тарды жинап, оларды қоқыс жә­шіктеріне тастады. Осы жер­де айта кететін тағы бір мәселе – «Мұзтау» шағы­н­ау­данында ар­найы қоқыс салатын контей­нер­лер кез­дес­педі. Дегенмен алдағы уақытта бұл мәселе де шешімін табады деген сенім­де­міз.

Гүлсара АҚАНОВА,

Іргелі медицина кафедрасының оқытушысы

Ақмарал ИСМАИЛОВА,

Аналитикалық, коллоидтық химия және сирек элементтер технологиясы кафедрасының аға оқытушысы