ТДМ-4 Сапалы білім-сапалы келешек

27 қазан 2023 жылы -Фараби атындағы ҚазҰУ колледжінің заң пәндері оқытушылары Абишева Меруерт Нұрланқызы мен Оңғаров Саян Болатұлы 2-курс, ПК-201 тобымен «Сапалы білім – сапалы келешек» атты іс-шара өткізді.
Іс-шараның мақсаты: Әділ және сапалы білім беруді қамтамасыз ету. Білім алу адамдардың әлеуметтік-экономикалық жағдайын жақсартуға негіз қалайды және кедейліктен шығудың жолын қамтамасыз етуде шешуші рөл атқарады. Соңғы онжылдықта білімге қолжетімділікті кеңейту және барлық деңгейлерде, атап айтқанда қыздарға арналған мектепте оқумен қамтуды арттыру саласында айтарлықтай жетістіктерге қол жеткізілді. 
Терең білім мен ғылым кенін қазған ғалымдардың еңбегі – дамудың даңғыл жолы. Білім-ғылым мемлекеттің дамуына әлеуметтік деңгейде ықпал ететін құндылықтар. Өркениетті елдердің қатарынан көріну үшін дамыған экономикамызбен қатар біліміміз бен мәдениетіміз де алдыңғы шептен көрінуі тиіс. Осы орайда Президент Үкіметке ұлағатты ұрпақ тәрбиелеу жолында, мәдениет пен өнер айдынында аянбай еңбек етіп жүрген ұстаздар мен мәдениет қызметкерлерінің айлығын көтеруді тапсырды. Ұстаз  еңбегінің бағалануы – абыройының артқанын, қоғам алдында мәртебесінің жоғарылағанын дәлелдейді. Ал білім мен ғылымды жоғары құндылық ретінде танып, ұстаздар мәртебесін жоғары қоятын елдің рухани тұрғыдан дамитыны хақ.
Іс-шара барысында интерактивті құралдар мен әдістер қолданылып, тақырып аясында көріністер қойылып, сұрақ-жауап ойындары және презентациялар қорғалды. 
Іс-шараға колледждің профессорлық-оқытушылық құрамы қатысты.