Азия білім беру конференциясының берері мол

Осака университеті, Осака халықаралық қоғамдық саясат мектебі (OSIPP) жанындағы IAFOR зерттеу ор­та­лығымен серіктестікте өткізілетін ХV Азия білім беру кон­ференциясына (ACE2023) 2023-25 жылдарға арнал­ған әлеуметтік, гуманитарлық ғылымдар және өнер саласындағы іргелі зерттеулер бағыты бойынша ЖТН AP19680048 «Қазақстан жастарының әлеуметтенуі мен мәдениетаралық қатысымының негізгі факторы ретінде медиасауаттылығын қалыптастыру мақсатында тілдік және медиа білім беруді интеграциялау әдістемесі» атты жоба бойынша қатыстық. Конференцияға дүниежүзінің 65 мемлекетінен 750 ғалым, соның ішінде Қазақстаннан 14 зерттеуші-ғалымның баяндамалары түскен, алты ғалым (Астана, Алматы, Ақтөбе) офлайн қатысты.

Конференцияның мақсаты – IAFOR (2009 жылы құрылған) пәнаралық зерттеулерді іл­ге­рілету, дамыту, оның ма­ңыз­дылығын көрсету үшін түрлі платформаларда адамдар мен идеяларды біріктіруші іс-ша­ра­лар ұйымдастыру. IAFOR бүкіл әлем бойынша көптеген жобаларға қатысуды жал­ғас­тыруда, соның ішінде жетекші университеттер (Virginia Tech, UCL, Сингапур менеджмент университеті, Белград универ­ситеті, Лингнан университеті, Бар­селона университеті, Га­вайи университеті, Мәскеу мем­лекеттік университеті), тал­дау орталықтары, зерттеу ұйымдары мен агенттіктері (Шығыс-Батыс орталығы, Жо­ғары білімді зерттеу орталығы, Дүниежүзілік зияткерлік мен­шік ұйымы), сондай-ақ үкімет­тер­мен және халықаралық үкіметтік ұйымдармен бірлес­кен жобалар (Жапония үкіметі Премьер-министрінің кеңсесі арқылы Нью-Йорктегі Біріккен Ұлттар Ұйымы) және медиа­агент­тіктер (The Wall Street Journal, JWT, Harper Collins) бар.

Конференция Токио, Toshi Center қонақүйінде офлайн және онлайн форматта жүрді. Кон­ференцияның ашылу сал­танатындағы пленарлық оты­рыс­та Farish А.Noor, Малай уни­верситеті (Малайзия); Lowell Sheppard (Жапония) қаты­су­шыларды құттықтап, жұмыс­та­рына табыс тіледі. IAFOR тө­рағасының құттықтау сөзі және IAFOR стипендиясының жеңімпаздарын тану онлайн Joseph Haldane (Жапония); Jun Arima Токио университеті (Жа­пония) онлайн тікелей транс­ля­цияда болып, осыдан соң конференция қаты­сушы­ла­ры­мен фотосуреттерге түсу және ақпарат алмасу кезеңіне жал­ғасты.

Халықаралық конферен­ция­­ға дүниежүзінен онлайн және офлайн режимде қатыс­қан ғалымдар өз баян­да­ма­ларында зерттеу нәтижелерін презентация арқылы көрсетті. Конференцияға қатысушылар түрлі тақырыпта секциялар бойынша бөлініп, қазіргі ғы­лым­дағы мәселелерді тал­қы­лап, тәжірибе алмасу, кеңес алу, сұхбаттасу арқылы пікір­та­ластар жүргізді.

Конференция барысында Малай университетінің FASS өнер және әлеуметтік ғылым­дар факультетінің тарих кафе­дра­сының профессоры Farish А.Noor; автор, спикер, әлеу­мет­тік кәсіпкер, бұрынғы ми­нистр, Корольдік географиялық қоғамының мүшесі Lowell Sheppard; Гонконг ғылым және технология университетінің (HKUST) білім беру иннова­ция­лары орталығының директоры Sean McMinn; Катардағы Лу­саил университетіндегі Lusail University Press (LU Press) ас­систенті және директоры Murielle EL Hajj Nahas; академия­лық бағдарлама Minerva жо­басының менеджері Justin Sanders; Индонезиядағы Ин­донезия халықаралық ислам университетінің (UIII) магис­тра­туралық білім беру бағ­дар­ламасының жетекшісі Tani D. Wardi; жобаның серіктесі және Гонконг политехникалық уни­вер­ситетінің Дизайн мектебінің сырттай оқытушысы, доктор Aruna Venkatesh; Сан-Карлос кампусындағы Коста-Рика Тех­нологико институтында тілдер және әлеуметтік ғылымдар мектебінің доценті, доктор Patricia Lopez; Тайвань, Қытай мә­дениет университетінің бұ­қа­ралық коммуникация кафе­дра­сының профессоры – Yu-Li Wang; т.б. баяндамашыларды тыңдадық, ғалымдармен пікір алысу, талқылаулар болып өтті.

Біз «Шетел тілдері білімі жә­не қолданбалы лингвистика (соның ішінде ESL/TESL/TEFL) секциясында (төраға: Lindsay Mack) «Incorporating Media Literacy into Foreign Language Classrooms to Advance Kazakh Students’ Critical Communication Skills (74897)» тақы­ры­бында презентация жасадық. Баяндамамызды бастамас бұ­рын, қазақ халқы, оның ұлттық киімдері, университетіміздің брошюрасы мен «Qazaq universiteti» газеті туралы таныс­тырып өттік.

Презентацияда арнайы ғы­лыми әдебиеттерді талдау ба­рысында Қазақстанда сту­дент­тер­дің ме­диа­сауаттылығын да­мыту жол­дарын негіздеуге және оқу үдерісінде БАҚ ма­териалдарымен белсенді әре­кет­тесу арқылы оны жүзеге асыру мүмкіндіктеріне бағыт­тал­ған эксперименттік зерт­теу­лердің тапшы екені айтылды. Тіл мен медиабілімнің инте­гра­циясы жағдайында медиа­сауат­тылықты дамыту құралы ретінде медиамәтіндерді қа­был­дау мен түсінудің негізгі сипаттамалары мен ерек­ше­ліктеріне негізделген тілдерді кіріктірілген оқыту және ме­диа­сауаттылық қағидаттарының жүйесі әзірленгенін көрсеттік. Тілдерді кіріктіріп оқыту және медиасауаттылық принцип­те­рінің жиынтығы анықталғанын, шет тіліндегі медиамәдениет мәтіндерімен жұмыс істеуде шет тілінің коммуникативтік құ­зы­реттілігі мен медиа­сауат­ты­лығын кешенді дамыту қағи­да­сы; пәнаралық интеграция прин­ципі; интермәтіндік прин­ципі және сыни ойлау мен шы­ғармашылық әлеуетті дамыту принциптері негіз болғаны ай­тылды. Презентация со­ңында қатысушылар арасында сауал­на­малар жүргізілді. Жоба бо­йынша жүргізіліп жатқан зерт­теу нәтижелері халықаралық ға­лымдарға, академиялық ор­таға таныстырылып, сұрақ­тар­ға жауап бердік.

Біздің университетіміздің негізгі стратегиялық мақсаты – жаһандық ғылым және білім кеңістігінде бәсекеге қабілетті әлемдік деңгейдегі зерттеу университетін құру бол­ған­дық­тан, ғылыми жобамыз ар­қылы өзіміздің тамшыдай бол­са да, үлесімізді қостық деп ойлаймыз.

Конференцияның арқа­сын­да әлем ғалымдарымен сұх­бат­тасу бұйырып, жапон елінің мәдениеті, халқымен танысып, өз көздерімізбен көру біз үшін мол тәжірибе, ерекше сөзбен жеткізе алмас қуаныш сый­лады. Осындай мүмкіндік жа­саған Ғылым және жоғары білім министрлігіне, Әл-Фа­ра­би атындағы Қазақ ұлттық уни­верситетіне алғысымыз шек­сіз.

Перизат ЕЛУБАЕВА,

Шет тілі кафедрасының

қауымдастырылған профессоры, педагогика ғылымының кандидаты

Шолпан ҚҰДЬЯРОВА,

Түркітану және тіл теориясы

кафедрасының аға оқытушысы, PhD