Цифрландыруды жетілдіру жайы қозғалды

Әл-Фараби атындағы Қазақ ұлттық университетінде тұрақты даму мақсаттары шеңберінде «Жаһандану дәуірінде мемлекеттік қызметтерді цифрландыруды жетілдіру» тақырыбында халық­ара­лық ғылыми семинар өтті. Семинарды университеттің 90 жылдығына орай, заң факультетінің Мемлекет және құқық теориясы мен тарихы, конституциялық және әкімшілік құқық кафедрасы Янки Купала атындағы Гродно мемлекеттік универ­си­тетімен, Қазақстандық криминологиялық қауымдастық пен қылмыстық құқық, қылмыстық процесс және криминалистика кафедрасының Қылмысқа қарсы іс-қимыл мәселелері ғылыми-зерттеу орталығымен бірлесіп ұйымдастырды.

Семинарда Янки Ку­пала атындағы Гродно мем­лекеттік универ­си­тетінің ғылыми қыз­мет­кері Е.Гуцко, М.Ес­болатов атындағы ҚР ІІМ Алматы академия­сының ҒЗО аға ғылыми қызметкері, з.ғ.к., до­цент Л.Күлтемірова, со­нымен қатар Әл-Фа­раби атындағы Қазақ ұлттық университетінің профессорлық-оқы­ту­шылық құрамы, Қыл­мыс­тық құқық, қыл­мыс­тық процесс және криминалистика ка­фе­драсының меңгеру­ші­сі, з.ғ.д., профессор Р.Жан­сараева, з.ғ.д., до­цент Н.Калишева, з.ғ.д., профессор А.Иб­раева, PhD, қауым­дас­тырылған профессор Қ.Аратұлы және т.б. қа­тысты.

Семинар бары­сын­да заң ғылымында ци­фр­лық техноло­гия­лар­ды енгізу негізінде 2023-2029 жылдарға арналған цифрлық транс­формация, ақ­па­рат­тық-коммуни­ка­ция­лық технологиялар саласын және кибер қауіпсіздікті дамыту тұ­жырымдамасы ая­сында мемлекеттік қыз­меттерді циф­р­лан­дыруды жетілдірудің ықтимал жолдары қа­рас­тырылды. Заң с­а­ла­сында қол­да­ны­ла­тын цифрлық тех­но­логия­лар­дың мысалдарын визуализациялауды, олардың заң маман­да­рының жұмысында орындалуын, құқықтық қызметте ақпараттық жүйелерді пайда­ла­нуды, денсаулық сақ­тау саласына цифрлық технологияларды ен­гізуді, заңнамалық рет­теу мәселелері; ден­саулық сақтауды ақ­параттандыру, теле­ме­дицина, жасанды ин­тел­лект, ме­ди­ци­на­лық және жеке де­рек­терді қауіпсіз сақ­тау проблемасы, БҰҰ стан­дарттарына негіз­делген адам құқықта­рын қорғау сала­сын­дағы халықаралық құ­­қықты енгізу мәсе­лелерін шешуді талап ету мәселелері қарас­ты­рылды.

Сондай-ақ мем­ле­кеттік қызметтерді көр­сету саласындағы цифр­ландыру Қа­за­­қ­стан Республикасының ең маңызды ақпа­рат­тық-технологиялық жобасына айналғаны айтылды. Жоба «элек­трон­дық үкіметті» қа­лыптастыру мен да­мы­тудың мемлекеттік бағ­дарламалары мен «Ақ­параттық Қазақ­стан-2020» бағ­дарла­ма­сы бойынша іске қо­сылды. Қазіргі уа­қытта мемлекеттік қыз­мет­терді жеделдетілген цифр­ландыру жүріп жатыр. Бұл ретте eGov мобильді қосымшасын әзірлеуге баса назар аударылады. Қыз­мет­тер экстер­рито­риал­дық, белсенділік және композиттік қа­ғи­дат­та­ры бойынша көр­се­тіледі.

Мемлекеттік қыз­мет көрсетудің әкім­ші­лік си­патын сер­вис­тік қыз­метке транс­фор­мация­лау жүріп жатыр. Бұл мемлекеттік бас­қа­ру­дың сервистік «адам­дық бағдар» мо­делін құру міндет­терінің бірі болып та­бы­лады.

Соңында семинарға қа­тысушылар баян­да­ма­ларды талқылап, пі­кір алмасты.

Қарлығаш УСЕИНОВА,

Мемлекет және құқық теориясы мен тарихы, конституциялық және әкімшілік

құқық кафедрасының меңгерушісі, 

заң ғылымының кандидаты 

Динара ТҰРСЫНҚҰЛОВА,

 заң ғылымының кандидаты