Тіл мен мәдени мұра зерттеледі

Түркітану және алтайтану ғылыми-зерттеу институты түркі халықтарының ежелгі түркі руникалық ескерт­кіш­терін құжаттау және цифрландырумен айна­лы­сады. Сондай-ақ түркітану және алтай­та­ну бойынша синхрония мен диахрониядағы тілдер мен мәдениет­тер­дің өзара әрекеттесуін талдап, олардың тілі мен мәдени мұрасын зерттеу­мен айналы­са­тын басты ҒЗИ.

Түркітану және алтайтану ғы­лыми-зерттеу институты жұ­мы­сының негізгі қызметтерінің бірі – ғылыми-тәжірибелік кон­фе­рен­циялар, дөңгелек үстел­дер, арнайы курстар, дәрістер, се­ми­нарлар, зерттелетін сала­ның тақырыбы бойынша тре­нинг­тер өткізу. ҒЗИ негізінде жыл сайын түркі халықтарының тілі мен мә­дениетінің дәстүрлі семи­нар­лары өтеді. Осындай семи­нар­лар легі Түркітану және тіл тео­риясы кафедра­сы­ның «Линг­вис­тика», «Түр­кітану», «Шет­ел тілі: екі шет тілі маман­ды­ғы» маман­дық­та­ры­ның 2-курс док­то­рант­та­рының зерт­теу прак­ти­касы аясында жүргі­зіл­ді.

Докторанттар өздерінің дис­сертациялық тақы­рыптары­мен сабақтастыра отырып, ел ғы­лы­мының дамуына өлшеусіз үлес қосқан тұлғалар: та­рих­шы, әде­биетшi Мұхаммед Хай­дар Ду­ла­тидiң туғанына – 525 жыл, ағартушы-педагог, тіл бі­лімінің негізін салушы, түр­колог, про­фес­сор Құдайберген Жұба­нов­тың туғанына – 125 жыл, Қазақ КСР Ғылым акаде­мия­сының тұң­ғыш президенті, қоғам қай­раткері, геология ғы­лымының докторы, профессор, КСРО Ғылым академиясының, Қазақ­стан Ғылым академия­сы­ның академигі Қаныш Сәт­баев­тың туғанына – 125 жыл, фи­ло­логия ғылымының докто­ры, профес­сор, ҚР Ұлттық ғы­лым акаде­мия­сының академигі Рабиға Сыздықованың туға­нына – 100 жыл, филология ғы­лымының докторы, Қазақ КСР Ғылым ака­демиясының акаде­ми­гі, түр­ко­лог, Ұлы Отан соғы­сының ар­дагері Әбдуәли Қай­да­ровтың туғанына – 100 жыл, филология ғылымының докто­ры, про­фес­сор, түркітанушы ға­лым Алтай Аманжоловтың ту­ғанына – 90 жыл, жазушы, ау­дармашы, сын­шы Герольд Бельгердің (Гарри Карлсон) туғанына – 90 жыл, Қазақ ұлттық университетінің құ­рыл­ға­нына 90 жыл сынды атаулы да­талармен байла­ныс­ты семинарларын өткізіп, мол тәжірибе жинақтады.

Семинар соңында ҒЗИ ат­қа­рушы директоры, филология ғылымының докторы, профес­сор Нұрсұлу Шаймерденова бар­лық қатысушыларға алғы­сын білдіріп, докторанттардың да­йындық деңгейін жоғары ба­ғалап, шығармашылық та­быс тіледі.

Бақыт ҚОРДАБАЙ,

«Лингвистика» мамандығының 2-курс докторанты

Перизат МЕДЕТБЕКОВА,

 Түркітану және тіл теориясы кафедрасының аға оқытушысы, ф.ғ.к.