Қауіпсіздік және бейбіт қоғамның тұрақты дамуы мақсаттарына қол жеткізу төңірегінде, 2024 жылдың 22 сәуір күні, әл-Фараби атындағы ҚазҰУ, философия және саясаттану факультетінің, дінтану және мәдениеттану кафедрасында «Қазақстан Республикасындағы терроризм мен экстремизмнің алдын алу» тақырыбында диалог алаңы өткізілді. Іс-шараға әл-Фараби атындағы ҚазҰУ дінтану мамандығының профессор-оқытушылар құрамы, студенттері және магистранттары қатысты. Модератор ретінде филос.ғ.д., профессор Байтенова Нағима Жаулыбайқызы сөз сөйледі.

Кездесуді философия және саясаттану факультетінің деканы, профессор, филос.ғ.к., Мейірбаев Бекжан Берікбайұлы ашты. Ол шақырылған спикер - Кәкімжан Мұратжанұлы Бишмановты, з.ғ.к., әл-Фараби атындағы ҚазҰУ профессорын, полиция полковнигі, ҚР Сыбайлас жемқорлыққа қарсы іс- қимыл агенттігінің Қоғамдық кеңесінің мүшесі, "дағдарыс жағдайлары" (террорға қарсы) бағдарламасы бойынша АҚШ-тағы полиция Академиясының түлегі, "ҚР терроризм және экстремизм проблемаларын зерттеу орталығы" ҚҚ құрылтайшысы және президенті, Ахмет Байтұрсыновтың Алтын медалімен марапатталған және авторлық куәлігі бар 100-ден астам ғылыми еңбектердің авторымен таныстырды. Декан сонымен қатар ҚазҰУ студенттері үшін университет пен жалпы ел үшін маңызды тұлғалармен, Байтенова Нағима Жаулыбайқызы және Бишманов Кәкімжан Мұратжанұлы сияқты өз ісінің мамандарымен кездесудің бірегей мүмкіндігін атап өтті. Бұдан әрі профессор К.М. Бишманов сөз сөйледі, ол терроризм мен экстремизмнің алдын алу және оған қарсы іс-қимыл жөніндегі шаралар мемлекеттік саясат саласында басым болып табылатынын және қазіргі әлемнің өзекті мәселелерінің бірі болып табылатынын хабарлады. Ол қауіпсіздікті қамтамасыз ету жөніндегі негізгі шараларды, терроризм мен экстремизмнің негізгі ұғымдарын, сондай-ақ жеке қауіпсіздікті қамтамасыз ету шараларын түсіндірді. Нағима Жаулыбайқызы жалған терроризмнің қауіптілігін және оның мамандардың ресурстарын пайдасыз ысырап етуге әкеп соқтыратын салдарын, ал біреу шынымен де көмекке мұқтаж болуы мүмкін екенін, сондай-ақ жалған ақпарат үшін, яғни қылмыстық жауапкершілік туралы ауыр зардаптарды атап өтті. Студенттер диалогқа белсене қатысып, оларға берілген уақыт пен жаңа білім үшін ризашылықтарын білдірді.

Ұйымдастырушылар: модератор - Байтенова Н.Ж. филос.ғ.д., профессор, Борбасова Қ.М., филос.ғ.д., доцент, Кантарбаева Ж.О., филос.ғ.к., аға оқытушы, Утебаева Д.С., PhD, доцент м.а., дінтану мамандығының магистранттары Джундыбаева Г.Д., Разбекова М.К., Алибаева А.А., Абдуллин А. А.