22 тамызда белгілі қазақстандық математик, физика-математика ғылымдарының докторы, профессор Семен Яковлевич Серовайскийдің туғанына 70 жыл толады.
С.Я.Серовайскийдің кәсіби ғылыми-педагогикалық қызметі толығымен әл-Фараби атындағы ҚазҰУ-мен байланысты. Семен Яковлевич 435 жұмыстың авторы, 200-ге жуық форумға қатысушы, оның ғылыми жетекшілігімен 14 диссертациялық жұмыс қорғалған.
Семен Яковлевич – тәжірибелі альпинист және Тянь-Шань тауларының маманы. С.Я.Серовайский көп қырлы шығармашылық тұлға, оның дәлелі: өлеңдер мен әндер шығаруы, проза жазуы, драмалық шығармалар жасауы, фильмдер мен спектакльдер үшін сценарийлер ойлап табуға әуестігі деп білеміз.
Профессор С.Я.Серовайский университеттегі әріптестеріне шынайы құрметпен қарайтын, студент, магистрант, докторанттарға ілтипатпен қарайтын ашық, жанашыр тұлға.
Досмағұлова Қарлығаш Алматқызы,
Математика кафедрасының меңгерушісінің ғылыми-инновациялық жұмыс және халықаралық байланыстар жөніндегі орынбасары
