ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІНІҢ МАГИСТРАНТТАРЫ «АБАЙ-ВЕРН» ШӘКІРТАҚЫСЫНА ИЕ БОЛДЫ

Әл-Фараби атындағы Қазақ ұлттық университетінің магистранттары Францияда оқуларын жалғастыруға мүмкіндік беретін үшін «Абай-Верн» шәкіртақысын ұтып алды.

Механика-математика факультетінің механика кафедрасы айтулы жетістігін мақтанышпен хабарлайды. Механика кафедрасында жүзеге асырылатын «7М05405-Механика және энергетика» қос дипломды білім беру бағдарламасының магистранттары 2024-2025 оқу жылында Франция университеттерінде білімдерін жалғастыру мақсатында   «Абай-Верн» стипендиялық бағдарлама байқауына қатысып, стипендия ұтып алды. Шешім француз-қазақ бірлескен комиссиясының отырысында қабылданды.

Жеңімпаз магистранттарымыз:

- Алдан Бекжан

- Бейсенов Арлан

- Бодау Бекет

- Елдосқызы Құралай

- Момыш Назерке

- Муталипова Камила

- Тоқтарова Айжан

- Хожахмат Перизат

«Абай-Верн» стипендиялық бағдарламасы жеңімпаздарды 10 ай бойы 800 еуро көлемінде ай сайынғы тұрмыстық стипендиямен қамтамасыз етеді. Магистранттар 2024 жылдың қыркүйегінен 2025 жылдың маусымына дейін Францияның Нанси қаласындағы Лотарингия университетінде тегін білім алады. Cонымен қатар әлеуметтік стипендиямен қамтамасыз етіледі, стипендиаттар мемлекеттік жоғары оқу орындарына тіркеу жарнасын төлеуден босатылады және Шенген аймағына тегін ұзақ мерзімді виза алады.

2024 жылы француз-қазақ бірлескен комиссиясы отырысының қорытындысы бойынша 51 кандидат мақұлданды (46 магистрант, 5 докторант). Оның ішінде 9 магистрант «Механика» кафедрасының өкілі болып табылады, бұл университетіміз үшін айтарлықтай жетістік деп білеміз.

Біз Абай-Верн стипендиясының иегерлерін құттықтаймыз және Францияда оқуға қызығушылық танытқан барлық үміткерлерге шынайы алғысымызды білдіреміз. Бұл жетістік студенттеріміздің жоғары дайындық деңгейін растап қана қоймай, олардың оқу және кәсіби өсуіне, яғни 4-ші тұрақты даму саласындағы мақсаттардың (ТДМ) сапалы білім алуға жаңа мүмкіндіктер ашады.

Студенттерімізді осы айтулы жетістігімен құттықтап, алдағы оқу және кәсіби жұмыстарына сәттілік тілейміз!

Туралина Динара Елеусизовна.

Механика кафедрасының меңгерушісі