«МЕНІҢ МАМАНДЫҒЫМ – МЕНІҢ БОЛАШАҒЫМ!» 1-курс студенттерінің арасында өтетін таланттылар фестивалі басталды!

«МЕНІҢ МАМАНДЫҒЫМ – МЕНІҢ БОЛАШАҒЫМ!» 1-курс студенттерінің арасында өтетін  таланттылар фестивалінің ережесімен таныс болыңыздар!

Фестиваль ұйымдастырушылары: Әл-Фараби атындағы Қазақ ұлттық университеті, Әлеуметтік-тәрбие департаменті, ҚазҰУ АРТ-орталығы, Жастар ұйымдар комитеті.

Ақпараттық әріптес: Қазақ университеті сайты, «Қазақ университеті» газеті.

Фестиваль мақсаттары мен міндеттері

• сан салалы өнер жарысында өздерін таныта білген талантты жастардың өнері арқылы жаңа Қазақстан жастарының ұлттық рухани өресенің кеңдігін мен биіктігін таныту;
• жыл сайын студенттік көркемөнерпаздар  фестивалінің  жоғары деңгейге шығып, заманауи күрделі музыкалық-сахналық материалдарды игеру (мюзикл);
• жастардың рухын көтеретін сан қырлы талантты бір арнаға тоғыстырып тұрған өнер әлемінің құдіретін студент жастар арасында кеңінен насихаттау;
• ҚазҰУ студенттерінің адамгершілік құндылықтарын сақтау, олардың арасында ұлттық дәстүрлерді дәріптеу;
• студенттердің өз жеке шығармашылығының қадірін білуі және ұжымдық шығармашылықтың маңыздылығын түсінуі.

     Фестивальді өткізу тәртібі

2.1. Фестивальға университеттің 1-курс студенттері қатысады.

2.2. Фестивальға әр факультет «МЕНІҢ МАМАНДЫҒЫМ – МЕНІҢ БОЛАШАҒЫМ!» тақырыбында 10 минуттық театрландырылған қойылым даярлайды.

2.3.Фестивальге қатасатын талантты студенттердің іріктеуін жауапты мамандар мен студдекандар өз факультеттерінде өткізеді.

2.4.Фестивальдің финалына қатысатын театрландырылған қойылымды ҚР эстрада жұлдыздары мен Әлеуметтік-тәрбие департаментінің директоры, АРТ-орталығының кәсіби мамандары мен Жастар ұйымдары комитетінің төрайымынан құрылған қазылар алқасы бағалайды.

2.5.Байқаудың жеңімпаздары өздерінің өнерлерін Әл-Фараби кітапханасында, 15 қарашада өтетін фестивальдің қорытынды гала-концертінде көрсетуге мүмкіндік алады.

2.6.Фестивальдің қорытындысы бойынша жеңімпаздар дипломдармен марапатталады.

Фетивальге қойылатын талаптар

3.1. Фестивальге қойылатын талаптар:

• Бір сюжеттік желі арқылы келешекте өз мамандығының қажеттілігі туралы ақпаратты ашу;
• өз мамандығында өзін-өзі дамыту перспективаларын көрсету
• орындау сапасы, ойын-сауық, бейне контент, заманауи ақпараттық және коммуникациялық технологияларды қолдау, әртүрлі кескіндер/реквизиттер.
• 10 минуттық қойылымда өнердің түрлері мен жанрлар қолдануға болады (би: халықтан қазіргі заманғы билерге дейін; вокал: классикадан қазіргі заманғы әндерге дейін; аспаптық музыка: классикадан қазіргі заманғы әлемдік/әйгілі хиттерге дейін, аспаптардың барлық түрлері, спорттық гимнастика, цирк нөмірлері және т. б.)
• Реквизиттерге ең аз шығындар мен түпнұсқа тәсілдерді пайдалану

 Мерзімдері мен кезеңдері

4.1. 10-31 ҚАЗАН аралығында – факультет ішінде замдекандардың, студдекандардың, куратор-эдвайзерлердің жетекшілігімен өнерлі студенттерді дайындау және іріктеу (І кезең)

4.2. 4-10 ҚАРАША аралығында  (кесте бойынша) – қазылар алқасы тобының басшылығымен іріктеу (ІІ кезең)

4.3. 15 ҚАРАША – Әл-Фараби кітапханасында финал және марапаттау рәсімі