Пластикалық бөтелкелерді жинайық

Пластмассаның ластануы қазіргі әлемде кездесетін күрделі мәселе. Дегенмен, шешімдерді табуға әр азамат өзі үлес қоса алады. Жоғары оқу орнына дейінгі дайындық кафедрасында  жауапты тұтыну мен өндіріске  бағытталған №12 Тұрақты даму мақсаты аясында «Пластикалық бөтелкелерді жина» акциясы сәтті ұйымдастырылды.

Акцияның негізгі мақсаты пластикалық ластану проблемасы туралы хабардарлықты арттыру, қайта өңдеу инфрақұрылымын дамытуға қолдау көрсету және қоғамды қалдықтарды жауапкершілікпен басқаруға үйрету болды.

Акция барысында факультеттің негізгі нүктелеріне пластикалық бөтелкелерді жинауға арналған контейнерлер орнатылып, еріктілер  пластик бөтелкелерін қайта өңдеуге жинақтады.

Акция нәтижелі болды. 500 пластик бөтелке жиналды, олардың әрқайсысы қайта өңделуге өткізілді. Іс шараға 30 студент қатысты. Бұл әрекет әр азаматтың планетаны қорғауға маңызды үлес қоса алатынын көрсетті.