Адамның өз бойындағы кемшіліктерін жою, оң қасиеттерін дамыту және өзінің өмірлік мақсатын айқындау.

2024 жылғы 15 қарашада биофизика, биомедицина және нейроғылым кафедрасының оқытушысы Казакбаева А.Ш. 6B05109-Нейроғылым мамандығының 2 курс студенттерімен «Адамгершілік құндылықтарының мәні. Тұлғаның өзін-өзі тәрбилеуі» тақырыбы бойынша ашық сабақ өткізілді.

    Адамгершілік құндылықтары – бұл адам болмысының ең маңызды негіздерінің бірі. Олар қоғам мен жеке тұлғаның рухани өмірін реттейтін, адамның мінез-құлқы мен әрекеттерін бағыттайтын ішкі ұстанымдар жүйесі. Адамгершілік құндылықтарына адалдық, әділдік, қайырымдылық, жауапкершілік, шыншылдық және мейірімділік сияқты қасиеттер жатады.Олар қоғамдағы бейбітшілікті сақтау, адамдар арасындағы қарым-қатынасты жақсарту, жеке тұлғаның өз әлеуетін толық жүзеге асыруы үшін аса маңызды. Адамгершілік құндылықтары жеке тұлғаны рухани бай, өнегелі, әрі жауапты азамат ретінде қалыптастырады.Тұлғаның өзін-өзі тәрбиелеуінің басты мақсаты – адамның өз бойындағы кемшіліктерін жою, оң қасиеттерін дамыту және өзінің өмірлік мақсатын айқындау. Бұл процестің негізгі міндеттері:

1. Ішкі тәртіпті нығайту: Өз мінез-құлқын, ойлары мен эмоцияларын бақылауды үйрену.
2. Жеке тұлғалық даму: Білімге құштарлықты арттырып, интеллектуалдық және рухани өсуге бағытталу.
3. Қоғамға пайда келтіру: Өзін-өзі жетілдіру арқылы қоғам игілігіне қызмет ету, өзгелермен үйлесімді қарым-қатынас орнату.
4. Мақсаткерлік: Адамның өмірде нақты мақсаттар қоя білуі және соларға жетудегі табандылығы. Өзін-өзі тәрбиелеу адамның ішкі жан дүниесін байытып, оның мінезін қалыптастыруға және әлеуметтік ортада табысты болуына септігін тигізеді.