Қазақ-Неміс-Қытай халықаралық қолданбалы микробиология ғылыми-зерттеу зертханасының ашылуы

2024 жылдың 20 қарашасында әл-Фараби атындағы ҚазҰУ биотехнология кафедрасында Қазақ-Неміс-Қытай халықаралық қолданбалы микробиология ғылыми-зерттеу зертханасының  ашылу салтанаты өтті. 

Бұл маңызды шара Қазақстан, Германия және Қытай ғалымдары мен зерттеушілерінің басын қосып, халықаралық ғылыми ынтымақтастықты нығайтуға және микробиология және биотехнология саласындағы озық жобаларды жүзеге асыруға негіз қалады. 

Тыңдаушылар алдында құттықтау сөз сөйледі: 

Басқарма мүшесі – ғылыми және инновациялық қызмет жөніндегі проректор Жамила Нурматовна Айтжанова; Аахен қолданбалы ғылымдар университеті институтының профессоры және директоры Илья Дигель; Биотехнология факультетінің деканы профессор Меруерт Сакеновна Қурманбаева, биотехнология кафедрасының меңгерушісі, модератор Кистаубаева Аида Сериковна. 

Зертхана бірлескен ғылыми зерттеулер, озық тәжірибе алмасу және жас мамандарды оқыту алаңына айналады. Жұмыстың негізгі бағыттары медицина, ауыл шаруашылығы және экология үшін инновациялық биотехнологиялық шешімдерді әзірлеуді қамтиды. 

Зертхананы құруда шешуші рөл атқарған ҚазҰУ түлегі, профессор Илья Дигельдің сіңірген еңбегіне ерекше назар аударылды. Профессор Дигель өз сөзінде халықаралық ғылыми ынтымақтастықтың маңыздылығына тоқталып, бірлескен жобалардың сәтті жүзеге асатынына сенім білдірді. 

Салтанатты шараға шақырылған қонақтардың арасында: 

1. Нұршат Нұраже, Назарбаев Университетінің профессоры (Қазақстан). 

2. Зулфикар Али, Азық-түлік қауіпсіздігі жөніндегі Ислам ұйымының бағдарламалар директоры. 

3. Цзянь Цзя, ғылым және технология университетінің доценті, Қытай. 

4. Нұралиев Н.А., Бұхара мемлекеттік медицина институтының профессоры, Өзбекстан. 

Зертхананың құрылуы университет басшылығының қолдауы, жас ғалымдардың күш-жігері және халықаралық серіктестердің қосқан үлесі арқасында мүмкін болды. Зертхана ғылымның дамуы мен елдер арасындағы ғылыми байланысты нығайтудың жаңа кезеңіне айналуға уәде береді. 

Бұл оқиға халықаралық ғылыми ынтымақтастықтың жаңа көкжиектерін ашып, Қазақстан ғылымының дамуына маңызды үлес қосты.