«Сапалы білім беру» ТДМ аясында қытайтану кафедрасында ілеспе аударма туралы ғылыми семинар өтті

2024 жылдың 19 қараша күні қытайтану кафедрасында аударма мамандығының 3 курс докторанты Шарыпова Анара «Қытай тілінен ілеспе аударманың ерекшеліктері» тақырыбында ғылыми семинар өткізді. Семинар барысында ілеспе аударма қызметі, оның анықтамасы мен түрлері жан-жақты қарастырылып, ілеспе аударманы жүзеге асырудың жабдықтары мен барысы көрсетілді; Қытай тілінен ілеспе аударманың ерекшеліктері қарастырылды. Докторант аударманың осы саласында қолданылатын стратегиялар мен әдістер туралы айтып өтіп, ілеспе аударма процесінде туындайтын қиындықтар туралы, сондай-ақ оларды жеңу әдістері туралы айтты. Семинар соңында баяндамашы қатысушылардың сұрақтарына жан-жақты жауап берді. Ғылыми семинарға шығыстану факультетінің оқытушылары, докторанттары мен магистранттары қатысты.