Музейлік реставрация және реконструкция: Қырым Алтынбековтың дәрісі
Тұрақты даму мақсаттарының (ТДМ) №17 "Мақсатқа қол жеткізу үшін ынтымақтастық" бағыты аясында Әбіш Кекілбаев атындағы Маңғыстау облыстық тарихи-өлкетану музейінің қызметкерлері әл-Фараби атындағы ҚазҰУ-дың Тарих факультеті, Археология, этнология және музеология кафедрасында ғылыми тағылымдама және ғылыми біліктіліктен өтіп жатыр. Тағылымдама барысында Суретшілер одағының мүшесі, Қазақстанның еңбек сіңірген қайраткері Қырым Алтынбеков "Музейлік реставрация және реконструкция әдістемесі" тақырыбында дәріс оқыды.
Дәріс барысында Қырым Алтынбеков музейлік реставрация және реконструкцияның маңыздылығы мен оларды дұрыс қолдану әдістері туралы айтты. Ол музей экспонаттарының тарихи және мәдени құндылығын сақтауда реставрацияның рөлі зор екенін, әрбір жәдігердің түпнұсқалығын сақтап қалу үшін қандай тәсілдер қолданылатынын түсіндірді. Сонымен қатар, реставрациялық жұмыстар кезінде қолданылатын заманауи технологиялар мен әдістер, сондай-ақ материалдардың таңдалуы, экспонаттарды қалпына келтіруде кездесетін мәселелер және оларды шешу жолдары туралы пікір бөлісті.
Бұл дәріс тағылымдама қатысушыларына реставрация мен реконструкцияның күрделі үдерістерін түсінуге, жәдігерлерді сақтап қалудың маңыздылығын сезінуге және бұл жұмысты сапалы жүргізу үшін қажетті білім мен дағдыларды меңгеруге үлкен мүмкіндік берді.
