Студенттердің PERSONA Халықаралық репродуктология клиникалық орталығына экскурсиясы (ТДМ 3)

Тұрақты даму мақсаттары (ТДМ) 3 аясында, денсаулықты сақтау және жақсы өмір сүру жағдайларын қамтамасыз ету мақсатында, Биология және биотехнология факультетінің биотехнология кафедрасының аға оқытушылары Сәрсекеева Ф.К., Өмірбекова А.А., Абдулжанова М.А. және 1 курс докторанты Ниғметова Қ.Т. ұйымдастырған іс-шара – PERSONA Халықаралық репродуктология клиникалық орталығына экскурсия өтті. Экскурсия 2024 жылдың 4 желтоқсанында «Биотехнология» мамандығының 3 және 4 курс студенттері үшін ұйымдастырылды. Іс-шара барысында студенттер репродуктивті медицина саласындағы алдыңғы қатарлы әдістермен танысып, репродуктивті денсаулықты сақтау және демографиялық жағдайды жақсарту мәселелерін талқылады.

Іс-шараның негізгі мақсаты: репродуктология саласындағы заманауи технологиялар мен тәсілдермен танысу, бедеулікті диагностикалау және емдеу әдістері туралы хабардарлықты арттыру және қоғамның игілігі контекстінде репродуктивті денсаулықтың маңыздылығын тереңірек түсіну.

Іс-шара барысында PERSONA орталығының бас дәрігері әрі директоры Локшин Вячеслав Нотанович сөз сөйлеп, мекеменің тарихы мен жетістіктері туралы айтып, репродуктологияның өмір сүру сапасын жақсартудағы рөліне тоқталды.
Акушер-гинеколог, репродуктолог-дәрігер, медицина ғылымдарының кандидаты, Айгерім Темірханова «Репродуктивті жастағы ерлер мен әйелдердің денсаулығы» тақырыбында дәріс оқыды. Ол іс-шараның негізгі мақсаттары мен міндеттерін атап өтіп, талқыланған тақырыптың кәсіби және жеке дамудағы маңыздылығын ерекше атап өтті. Дәріс барысында алынған білімнің тәжірибелік маңыздылығына және осы саладағы зерттеулер жүргізудің қажеттілігіне назар аударылды. Білім беру сағаты барысында студенттер репродуктивті денсаулық туралы білімдерін тереңдетіп, оның маңызды екенін түсінді. Репродуктивті денсаулық физикалық, психологиялық және әлеуметтік әл-ауқатты қамтиды және ұрпақ әкелу мен бала тәрбиелеу сияқты функцияларды орындауға мүмкіндік береді.

Эмбриология зертханасының меңгерушісі Ниғметова Қамшат Тимерғалиқызы «Клиникалық эмбриология және генетика зертханасының заманауи мүмкіндіктері» тақырыбында презентация ұсынды. Ол бедеулікті диагностикалау және емдеу, соның ішінде преимплантациялық генетикалық диагностика бойынша заманауи әдістерді қолданатын зертханалардың ерекшеліктерін атап өтті. Зертхана жоғары технологиялық жабдықтармен қамтамасыз етілген, бұл экстракорпоральдық ұрықтандыру тиімділігін арттыруға және генетикалық аурулар қаупін азайтуға мүмкіндік береді.

Орталықтың дәрігерлері бедеулікті емдеудегі табысты жағдайлармен бөлісіп, жеке тәсіл мен пәнаралық ынтымақтастықтың маңыздылығына тоқталды. Мамандық иелері репродуктивті жасушалармен жұмыс істеу үдерісін көрсетіп, криоконсервация қағидаларын түсіндірді. Студенттер өздерін қызықтырған сұрақтарды қойып, репродуктивті медицина саласындағы мансаптық өсу перспективаларын талқылады.
Клиника бойынша тур ұйымдастырылып, қатысушылар диагностикалық бөлімді, экстракорпоральдық ұрықтандыру (ЭКО) зертханаларын және процедуралық кабинеттерді аралап көрді. Олар заманауи медициналық технологиялар мен жабдықтармен танысты.

Клиникаға бару нәтижесінде қатысушылар:

• Репродуктивті денсаулық мәселелерін шешудегі заманауи тәсілдерді білді;
•  Репродуктологияның ТДМ 3 мақсаттарына қосқан үлесін түсінді;
• Репродуктивті функцияларға әсер ететін аурулардың алдын алу және ерте диагностикасының маңыздылығын бағалады;
• Медицина саласындағы инновациялар мен кәсібиліктен шабыт алды.

Экскурсия репродуктивті денсаулықтың қоғам үшін маңыздылығын және оның тұрақты даму процесіне әсерін тереңірек түсінуге ықпал етті.

Ұйымдастырушылар мен қатысушылар PERSONA клиникасының ұжымына қонақжайлылығы, мазмұнды бағдарламасы, медициналық ғылымның дамуына және тұрақты даму мақсаттарына (ТДМ 3) қолдау көрсеткені үшін алғыс білдіреді.