1 курс Геодезия және картография мамандығының студенттерімен "Тәуелсіздік тұғырым" атты дөңгелек үстел өтті.

           2024 жылдың 21 желтоқсанында Геодезия және картография мамандығының 1-курс студенттері жатақханада "Тəуелсiздiк тұғырым" тақырыбында дөңгелек үстел ұйымдастырды. Іс-шараның мақсаты – студенттердің отансүйгіштік сезімін арттыру және Тəуелсiздiк күнiнiң маңыздылығын түсіндіру болды. Кездесу барысында студенттер Қазақстанның тәуелсіздікке жету жолы туралы өзара пікір алмасты. Алаш Орда кезеңі, Желтоқсан оқиғасы және 1991 жылы егемендікке қол жеткізу сияқты маңызды тарихи кезеңдер талқыланды. Студенттер өздері дайындаған баяндамаларын оқып, тарихи оқиғаларға талдау жасады. Әркім өз ойымен бөлісіп, тақырыпқа байланысты сұрақтар қойды. Іс-шара барысында қызу талқылау өтіп, жаңа ақпараттар айтылды. Топтағы белсенді студенттер тарихи деректерді терең зерттегенін көрсетті. Қатысушылар өз елінің тарихы мен болашағына деген көзқарасын нығайтты. Іс-шара рухани жағынан пайдалы болды және ұлтжандылықты дамытуға ықпал етті.