Түрік қонақ үй қауымдастығының өкілдері әл-Фараби атындағы ҚазҰУ студенттеріне Көшбасшылық дәріс өткізді.

Рекреациялық география және туризм кафедрасы География және табиғатты пайдалану факультеті Түркиялық серіктестермен бірлесіп, Farabi HUB алаңында «Түрік қонақ үйлерінде оқу және тағылымдамадан өту» тақырыбында көшбасшылық дәріс өткізді. Іс-шара Farabi HUB орталығында өтті және Тұрақты дамудың 4-мақсаты – Сапалы білім беру, сондай-ақ Тұрақты дамудың 8-мақсаты – Лайықты еңбек және экономикалық өсу аясында ұйымдастырылды.

Дәріс барысында Түркияның жетекші қонақ үйлерінде тағылымдамадан өту және білім алу мүмкіндіктері, сондай-ақ туризм және қонақжайлылық саласындағы заманауи үрдістер талқыланды. Қатысушылар халықаралық туристік индустрияда мансап құру бойынша құнды кеңестер алды. Дәріс университет пен Түркия туристік секторы өкілдері арасындағы серіктестік байланыстарды нығайтып, студенттер үшін жаңа перспективалар ашты.

Дәріске тек география және табиғатты пайдалану факультетінің студенттері ғана емес, сонымен қатар Алматы қаласындағы басқа да университеттердің, соның ішінде Қазақ Британ техникалық университетінің (ҚБТУ), Халықаралық бизнес университетінің (UIB), Narxoz университетінің және Абылай хан атындағы Қазақ халықаралық қатынастар және әлем тілдері университеті және т.б. қатысты.

Сонымен қатар, Түркиялық серіктестер қонақ үй бизнесіндегі тәжірибесімен бөлісіп, Түркиядағы тағлымдаманың артықшылықтарын және халықаралық туризм индустриясында сұранысқа ие дағдыларды атап өтті. Студенттер тәжірибелік білім алуға, Түркияның мәдениеті мен дәстүрлерімен танысуға мүмкіндік беретін тағылымдамалар бағдарламалары туралы ақпарат алды.

Тұрақты даму қағидаларын туризм саласына енгізудің маңыздылығы ерекше атап өтілді. Спикерлер оқыту мен тағлымдаманың қонақ үйлерде экологиялық және әлеуметтік жауапкершілік принциптерін енгізуге қалай ықпал ететінін түсіндірді. Іс-шара халықаралық деңгейде жұмыс істей алатын білікті мамандарды даярлаудың маңыздылығын көрсетті.

Бұл дәріс кәсіби құзыреттерді дамытуға және университеттер мен бизнес-қоғамдастық арасындағы серіктестік қатынастарды нығайтуға бағытталған мәдениетаралық және білім беру ынтымақтастығының жарқын мысалы болды.