Рекреациялық география және туризм кафедрасындағы көшбасшылық дәріс
22 қаңтарда рекреациялық география және туризм кафедрасы Өтекешева Роза Қарасайқызының көшбасшылық дәрісін ұйымдастырды.
Р.Қ. Өтекешева Қазақстанның көрнекті экономист-географы ретінде танымал. Оның бүкіл өмірі мен қызметі университетпен тығыз байланысты. Оның тәжірибесі, оқытушы және ұйымдастырушы біліктілігінің арқасында рекреациялық география және туризм кафедрасы қысқа мерзімде факультеттің ғана емес, жалпы университеттің жетекші бөлімшелерінің біріне айнала алды.
Роза Қарасайқызы өзінің оқытушылық қызметі барысында «Әлем елдерінің экономикалық және саяси географиясы», «Әлем халықтарының этногеографиясы», «Діни туризм», «Қытайдың экономикалық географиясы» және басқа да көптеген курстарды әзірлеп, жүргізді. Оның шет елдердің экономикалық, әлеуметтік және саяси географиясы мен туризм мәселелері бойынша қызықты әрі мазмұнды дәрістері студенттер мен ұжымның құрметіне ие болды.
Көшбасшылық дәріс барысында Роза Қарасайқызы студенттерге өзінің студенттік жылдары туралы айтып, Әл-Фараби атындағы ҚазҰУ-дың география және табиғатты пайдалану факультетінде жұмыс істеген жылдары туралы егжей-тегжейлі тоқталды.
Айта кету керек, Роза Қарасайқызы еңбек майданының қатысушысы және университеттің құрметті ардагері. Үлгілі жұмысы үшін ол университеттің, ҚазКСР Жоғары білім министрлігінің Құрмет грамоталарымен, Қазақстан Жоғарғы Кеңесінің Құрмет грамотасымен және тағы басқалармен марапатталды.
Рекреациялық география және туризм кафедрасы ҚазҰУ-дың құрдасы Роза Қарасайқызына ең шынайы тілектерін білдіреді, сондай-ақ денсаулық пен амандық тілейді.
