«Құрлық экожүйелерін сақтау» атты іс-шара өтті

Тұрақты дамудың 15-ші мақсаты – құрлық эко­жүйе­­лерін сақтау. Экожүйені қорғау және оны қалпына келтіру – үлкен мә­селе. Осы орайда, шетелдік студенттерге тұрақты даму мақсат­та­рын түсіндіріп, оларға эколо­гиялық тәрбие беру мақ­­сатында әл-Фараби атындағы ҚазҰУ-дың Шетелдіктердің тілдік және жалпы білім беру дайындығы кафедрасының доценті А.Е. Саденова «Құрлық экожүйелерін сақтау» атты іс-шара өткізді. Бұл іс-шараның мақсаты шетелдік студенттерді қоршаған ортаны қорғау және климаттың өзгеруімен күресу үшін жасалуы мүмкін әрекеттер туралы білім беру және ақпараттандыру болды.  

Іс-шара барысында доцент А.Е. Саденова өз сөзінде қоршаған ортаны дұрыс пайдалануға жәрдем­де­су, орманды оңтайлы пай­да­лану, шөлге айналуға қарсы кү­рес және адамзаттың өмір сүруіне кедергі келтіретін бар­лық антропогендік фа­к­тор­­­лар­дың ықпалын азайту немесе мүлдем болдырмауға ұмтылу қажеттілігі жайлы түсіндіре отырып, сондықтан әр адам­ның қор­ша­ған табиғатты кү­тіп-баптап, зиянды қал­дық­тарды тастамай, оларды өң­дейтін арнайы орын­дарға жет­кізуі де осы атал­ған мақ­саттың орын­да­луы­на үлесін қосқаны болып есептелетінін түсіндіріп өтті.

Сонымен қатар, іс-шара ба­рысында студенттерге пла­с­тикалық ыдыстардың химия­лық құрамы мен қасиеттері, олар­дың қоршаған ортаға және адам денсаулығына зия­ны жайында мәліметтер берілді.

Студенттер тақырыпқа үлкен қызығушылық танытып, сұрақтар қойып, өз ойларын білдірді және өзара пікір алмасты.

А.Е. Саденова.
Әл-Фараби атындағы ҚазҰУ,
Шетелдіктердің тілдік және
жалпы білім беру дайындығы
кафедрасының доценті