12 қаңтарда 2025 жылы ТДМ іске асыру мақсатында ТДМ 4 - "Сапалы білім беру"- қылмыстық құқық, қылмыстық процесс және криминалистика кафедрасының оқытушысы Ж. Т. Худайбергенов студенттермен бірге кинотеатрға барды. Кино – барлық жастағы адамдарға ортақ қызығушылық тудыратын өнер түрі. Студенттер әртүрлі пәндер мен факультеттерден болса да, киноға бару барысында ортақ тіл табысып, бір мақсатқа ұмтылады. Бұл – студенттік топты біріктірудің тиімді тәсілі. Фильмдер арқылы әртүрлі көзқарастар мен пікірлерді тыңдап, өзара талқылаулар жүргізу студенттердің бір-бірін жақсырақ түсінуіне көмектеседі. Киноға студенттермен бірге бару – олардың арасындағы достық қарым-қатынасты нығайту үшін керемет мүмкіндік. Кинотеатрдағы ортақ сәттер – күлу, таңғалу, фильмнің кейбір көріністеріне реакция білдіру – бір-біріне деген түсіністік пен жақындықты арттырады. Бұл эмоцияларды бірге бөлісу, әркімнің фильмге деген реакциясын байқау қызық болады. Сонымен қатар, кино таңдау кезінде әр студенттің жеке қызығушылықтары мен талғамдары ескеріледі, бұл әрі қарым-қатынасты тереңдетеді, әрі жаңа дүниелерді ашуға мүмкіндік береді.
Басқа жаңалықтар
