ТДМ 15 - Құрлық экожүйелерін сақтау бойынша “Құстарды қорғау-табиғатты қорғау”.Farabi University

ТДМ 15 - Құрлық экожүйелерін сақтау бойынша “Құстарды қорғау-табиғатты қорғау”.

29 қаңтар, 2025

     Қаңтар айының 29 жұлдызында Әл-Фараби атындағы Қазақ Ұлттық университетінің География және табиғатты пайдалану факультеті, Картография және геоинформатика кафедрасының, Геодезия және картография мамандығының  2 курс студенттері , кафедра эдвайзерлері  З.К. Сарсембекова мен С.О.Тумажанованың бастамасымен Тұрақты даму мақсатының   15-тармағы, Құрлық экожүйелерін сақтау бойынша “Құстарды қорғау-табиғатты қорғау” атты тақырыпта, Қазақстан Республикасының Тұңғыш Президенті саябағына барып, құстардың ұялары мен астауларына жем толтырып, құстарды қоректендіріп қайтты.

      Бұл шара студенттерге табиғатпен үйлесімді өмір сүрудің маңыздылығын түсінуге көмектесті. Олар құстарды қоректендіріп қана қоймай, құстардың экожүйедегі рөлін де талқылады. Мұндай іс-шаралар жастардың табиғатты қорғау жауапкершілігін арттырып, қоршаған ортаға деген сүйіспеншілігін нығайтады.

     Құстар – біздің қоршаған ортаның маңызды бөлігі. Оларды қорғау – әрбір адамның міндеті. Егер біз табиғатымызды аялауды үйренсек, болашақ ұрпаққа да бай экожүйе мен әсем табиғатты аманат ете аламыз. Құстарды қорғауға бірге үлес қосайық!