ҚазҰУ-дың физика-техникалық факультетінің студенттері ҚР Ұлттық Банкінің өкілдерімен кездесті. ТДМ 9 және ТДМ 16

ҚазҰУ-дың физика-техникалық факультетінің студенттері ҚБТУ, М.Тынышпаев атындағы ALT Университеті және AlmaU студенттерімен бірге қаржы технологиялары мен жасанды интеллект саласындағы жетекші сарапшылармен кездесті.

Кездесу барысында қатысушылар Халықаралық MATRIZ қауымдастығының вице-президенті Владимир Затолокинмен, сондай-ақ ҚазҰУ түлектерімен сұхбаттасты:

• Виталий Алексеевич Тутушкин – ҚР Ұлттық Банкінің төраға орынбасары, Алматы қаласындағы Ұлттық Банктің Тұрақты Өкілдігінің басшысы.
• Ален Асхатұлы Ақылбеков – ҚР Ұлттық Банкінің Алматы қаласындағы бас маман-талдаушысы, 5B060500 – Ядролық физика білім беру бағдарламасының түлегі.

Кездесудің негізгі тақырыбы машиналық оқыту әдістері мен жасанды интеллектінің Қазақстан Ұлттық Банкінде қолданылуын талқылау болды. Дискуссия барысында келесі өзекті мәселелер қаралды:

• Цифрлық теңгені дамыту және енгізу;
• Жасанды интеллектіні қаржы институттарын болжау және басқару саласында пайдалану;
• Қазақстанда криптовалютаны заңдастыру және реттеу перспективалары.

Бұл кездесу студенттерге қаржы секторының заманауи технологияларын тереңірек түсінуге және саланың жетекші мамандарынан құнды білім алуға мүмкіндік берді.

Іс-шара Тұрақты даму мақсаттарының (ТДМ) аясында ұйымдастырылды:

• ТДМ 9 – Тұрақты инфрақұрылым құру, жан-жақты және тұрақты индустрияландыруды қамтамасыз ету және инновацияларды енгізу;
• ТДМ 16 – Тұрақты, бейбіт және ашық қоғам құруға жәрдемдесу, әділеттілікке қолжетімділікті қамтамасыз ету және тиімді, есеп беретін институттарды қалыптастыру.