Мақал-мәтелдің мазмұнына қанықты

Әр жұма күнін ұлттық киімді насихаттауға арнап, түрлі шара өткізу Фараби кітап­ха­на­сы қыз­меткерлерінің дәстүріне айнал­ған. Клас­си­калық оқу залының қыз­мет­кер­ле­рі оқыр­ман­дар арасында өткізген «Әжем­нің мақал-мәтелдері» атты іс-шараға фи­лология фа­­куль­тетінің «Түркітану» ма­ман­дығының 3-курс студенттері қатысты. Шараның мақ­са­ты – ұлттық университет студенттерін адам­гершілікке, ойын нақты, дұрыс жеткізуге, тапқыр сөйлеуге үйрету әрі сөз өнері арқылы дүниетанымын кеңей­ту­ге тәрбиелеу. 

Кітапхана қызметкері Халима Толымбек: «Ата салтым – асыл мұрам, ардағым, Баба­лар­дың жал­ғас­тырар арманын. Сан ғасырда қалпын бұзбас қадірім, Өткенімді бүгінменен жалғадым» демекші, әрбір халықтың өзіне тән салт-дәс­түрлері, әдет-ғұрыптары, халық ауыз әдебиеті, мә­дениеті, тәр­бие­лік ұстанымдары бар», – деп кеш жұмысын бас­тады.

Гүлмира Темірова студенттерге салт-дәстүр әр ұлттың, халықтың діні мен сеніміне, тұрмыс-тірші­лі­гіне, ұлттық ерекшелігіне сәйкес ға­сыр­лар бойы қалыптасып, өмірдің өзі туғызған ғұрыптардың жиынтығы екенін айтып берді.

Мейіркүл Шомаева мақал-мәтелдер сайы­сы­ның шарттарымен таныстырды: «Кім көп бі­леді?», «Ма­қал – сөздің мәйегі», «Кім тапқыр?» деген тақы­рып­тар бойынша қатысушылар ма­қал-мәтел бәйгесіне белсене қатысты. Одан кейінгі жарысты Жанар Муталипова жүргізді. Шарт бойынша, мақалдың бірінші компоненті оқылады, қатысушы жалғас­ты­рады. Мысалы: «Жақсы кісі байқап сөйлер...», «Ба­ла­пан ұяда не көр­се...», «Өнер – ағып жатқан бұлақ...», «Жақ­сы­ның аты өлмейді...» т.б. Тағы бір ма­ман сандар жазылған ұяшықтағы мақалды оқыды.

Жеңімпаздарға бағалы сыйлықтарды Ақ­парат­тық қызмет басқарма басшысы Ақмарал Жа­ман­кө­зеева табыстады. Қатысқан сту­дент­тер өткен шарадан үлкен әсер алды. Жайылған ұлт­тық тағамға толы дастарханнан дәм татты. Дәстүр бойынша дастарханға бата жасалды.

Фараби кітапханасында өткізілген шараны кітапхана директоры Жадыра Арекенова қоры­тын­дылады. Ол өз сөзінде: «Міне, осы асыл қа­зынамыз – мақал-мәтелдер бізге ұрпақтан-ұр­паққа сан ға­сырлар бойы аманат ретінде ұла­сып, ұлттық бол­мы­сымызды жоғалтпай, өз­ге­лерден ерекшелеп ке­леді. Біз де өз кезегімізде бұл құндылықтарды қастерлеп, келер ұрпаққа осы күйінде жеткізуіміз керек», – деді.

Гүлжамал ҚОРТАБАЕВА,

ф.ғ.к.

Шынарай БҮРКІТБАЕВА,

PhD, доцент м.а.

Түркітану және тіл теориясы кафедрасы