Халықаралық қатынастар факультеті мен Дипломатиялық аударма кафедрасы «Цифрлық дәуірде шетел тілдерін және аударма пәндерін оқытудың қазіргі заманғы әдістері» тақырыбында халықаралық ғылыми-практикалық конференция өткізді

2025 жылғы 5 ақпанда Халықаралық қатынастар факультеті мен Дипломатиялық аударма кафедрасы «Цифрлық дәуірде шетел тілдерін және аударма пәндерін оқытудың қазіргі заманғы әдістері» тақырыбында халықаралық ғылыми-практикалық конференция өткізді.

Конференция әл-Фараби атындағы ҚазҰУ-дың доценті Мақишева Марияш Қайдауылқызының 75 жылдық мерейтойына орай ұйымдастырылған еске алу жиыны болды.

Конференция барысында цифрландыру жағдайында шетел тілдері мен аударма пәндерін оқытуға қатысты заманауи әдістер талқыланып, цифрлық технологияларды білім беру жүйесіне енгізу бойынша тәжірибе алмасу және ұсыныстар жасау мәселелері қарастырылды. Іс-шараға еліміздің жетекші жоғары оқу орындары мен ғылыми-зерттеу институттарының ғалымдары мен академиялық қауымдастық өкілдері, сондай-ақ Франция, Түркия, Қытай елдерінен келген зерттеушілер, «Дәуір және тұлға» ғылыми жобасының мүшелері және бұқаралық ақпарат құралдарының өкілдері қатысты.

Конференцияның ашылуы

Конференцияның ашылу салтанатында Халықаралық қатынастар факультетінің деканы, заң ғылымдарының кандидаты, профессор Ж. Т. Сайрамбаева сөз сөйлеп, іс-шараны жүргізді. Сонымен қатар, конференцияның маңыздылығын атап өткен танымал ғалымдар қатарында:

• Әл-Фараби атындағы ҚазҰУ-дың химия ғылымдарының докторы, профессоры М. Б. Буркитбаев;
• «Дәуір және тұлға» ғылыми жобасының жетекшісі, Қорқыт ата атындағы Қызылорда университетінің ғылыми жұмыс және халықаралық байланыстар жөніндегі проректоры, филология ғылымдарының кандидаты, доцент М. А. Бурибаева;
• Абылай хан атындағы ҚазХҚ және ӘТУ университетінің шетел тілдері кафедрасының доценті, TOEFL орталығының директоры, филология ғылымдарының кандидаты, доцент А. А. Мулдағалиева және басқа да белгілі ғалымдар болды.

Баяндамалар мен ғылыми пікірталастар

Цифрлық технологиялардың білім беру саласындағы қолданысын зерттеуші ғалымдар:

• Professor Ercan Alkaya, Doç. Dr. Mehmet Özeren (Firat University, Түркия) – «Çağdaş türk yazı dilleri arasındaki dil sorunları ve bunların karşılıklı anlaşmaya әсері»;
• Абылай хан атындағы ҚазХҚ және ӘТУ университетінің доценті, педагогика ғылымдарының кандидаты А. А. Головчун – «АВП, оның түрлері, функциялары және оқыту стратегиялары»;
• Абылай хан атындағы ҚазХҚ және ӘТУ университетінің аға оқытушысы, магистр Л. Т. Сери – «Python технологияларының аудармашыларды оқытудағы маңызы»;
• Абылай хан атындағы ҚазХҚ және ӘТУ университетінің магистранттары М. С. Тілеубаева, Ж. Рақова, Н. Нұрзар – «Синхронды аудармада күйзеліс пен жұмыс жүктемесін басқару»;
• А. С. Смағұлова мен Н. Изекенова – «Шетел тілін оқытудағы инклюзия: Қазақстан мұғалімдерінің пікірі».

Цифрландыру тақырыбы бойынша қызықты баяндамалар:

• Филология ғылымдарының докторы, Одесса ұлттық университетінің доценті Н. Г. Арефьева – «Шетелдіктерге арналған тілдік дайындық сабақтарында сараланған тәсілдер»;
• Филология ғылымдарының докторы, профессор Е. Н. Степанов – «Дипломатиялық мәтіндерде есептік эквиваленттілік ретінде ұғымдық концепт (Ресей мен Қытай арасындағы келісімдер негізінде)»;
• Қытай, Чанша қаласындағы Хунань педагогикалық университетінің ғалымы Фатех Г. Е. – «Дене категориясы көркемдік бейнелеу құралы ретінде»;
• Хунань педагогикалық университетінің магистранты Ло Сычэн – «Мәдениетаралық тұрғыдан аударма зерттеу және тәжірибе».

Конференция барысында қатысушылар тіл білімін дамытудың қазіргі парадигмалары, шетел тілдерін және мәдениетін оқытуда инновациялық технологияларды әзірлеу және интеграциялау, білім беру процесінің оқу-әдістемелік қамтамасыз етілуін жетілдіру, тілдік және лингвистикалық білім сапасын арттыру мәселелері бойынша пікір алмасты.

Конференцияның қорытындылары

Конференция шетел тілдері мен мәдениетін оқытудағы түрлі әдістерді талқылауға, жоғары оқу орындарының лингводидактикалық мектептері арасындағы ғылыми байланыстарды нығайтуға, сондай-ақ ғылыми көзқарастар мен практикалық тәжірибе алмасуға мүмкіндік берді.

Конференция модераторы қатысушылар мен қонақтарға белсенді әрі нәтижелі жұмыстары, ғылыми талқылауларға қосқан үлестері және жылы лебіздері үшін алғыс айтты.

Іс-шараның қорытындысы бойынша ғылыми мақалалар жинағы жарық көреді және Web of Science халықаралық базасына енгізіледі.