"Білім сапасы және академиялық ынтымақтастық"
08.02.2025 ж. Шымкент қаласында Ж.А. Тәшенов атындағы Университетке Әл-Фараби атындағы ҚазҰУ заң факультетінің қылмыстық құқық, қылмыстық іс жүргізу құқығы және криминалистика кафедрасының профессор-оқытушылар құрамы Г.М. Атаханова, аға оқытушы С.Ш.Үркімбай заң факультетінің 70 жылдық мерейтойына қарсы және «Сапалы білім беру» аясында студенттерге «Сапалы білім -ҚазҰУ қабырғасында» атты профориентациялық бағытта іс-шаралар өткізді.
Іс-шараның мақсаты: Әл-Фараби атындағы Қазақ Ұлттық Университеті Қазақстан Республикасындағы ең жетекші, көш бастап тұрған әлемдік университет рейтингісі жоғары білікті мамандарды даярлауға, әлемдік білім кеңістігінде интеграциялауға, өндіріске енгізілетін іргелі және қолданбалы зерттеулерді дамытуға бағытталған кең көлемдегі білім, ғылым рухани-тәрбиелік негізге ие көптеген мамандықтарды таңдауға мүмкіндік беретін оқу орны және ғылыми кешен екенін дәріптеу.
Ж.А.Тәшенов атындағы университеттің ректоры Қ.С.Байболовтың атынан профессор Г.М. Атаханова мен аға оқытушы С.Ш.Үркімбайға «Ғылым мен тәрбие мен білім беру саласына қосқан үлестері үшін алғыс жариялап «Алғыс хат» тапсырылды, Ж.А.Тәшенов атындағы Университет пен Әл-Фараби атындағы ҚазҰУ арасында академиялық ынтымақтастықты арттыру барсысында келісім шарт жасалды.
