17-ші Тұрақты даму мақсаты: Білім беру жүйесіндегі серіктестік

Әл-Фараби атындағы Қазақ ұлттық университеті философия және саясаттану факультетінің дінтану және мәдениеттану кафедрасының аға оқытушылары С.М.Каупенбаева, М.Б. Аликбаева және шығыстану факультеті Таяу Шығыс және Оңтүстік Азия кафедрасының араб тілі бөлімінің меңгерушісі Хаван Айдынгүл, Мысыр Араб Республикасының Жоғары білім және ғылыми зерттеулер министрлігінің ғылыми-мәдени ақпарат бөлімінің меңгерушісі, доктор Әбу әл-Футух Сабри Юнуспен кездесті.  Кездесу барысында екі елдің жоғары білім беру жүйесі туралы және бакалавриат, магистратура және докторантура деңгейлеріндегі білім беру ерекшеліктері туралы сөз қозғалды. Сонымен қатар екі елдің ғылыми басылымдарында ғалымдардың мақалаларын жариялау, бірлескен ғылыми жобаларға қатысу және де жоғары білім беру жүйесін жақсартуға бағытталған басқа да тетіктер туралы екіжақты ұсыныстар  айтылды.