«Мәдениет – қазақ елінің рухани құндылықтарының қазынасы» Тұрақты даму мақсаттарының бірі -сапалы білім бойынша

10 ақпан 2025 жылы сағат 12:00-де 120-аудиторияда «Мәдениет – қазақ елінің рухани құндылықтарының қазынасы» тақырыбында танымдық іс-шара өтті. Бұл жиын қазақ халқының мәдени мұрасы мен рухани құндылықтарын насихаттау мақсатында ұйымдастырылды.
Іс-шара барысында Дана Амангелді мен Айгерім Анарбай қазақ мәдениетінің тарихы, оның қоғамдағы рөлі мен қазіргі жағдайы туралы баяндамалар жасады. Арипбек Диана өз мақаласында қазақ мәдениетінің имидждік аспектілерін қарастырып, оның халықаралық деңгейдегі маңыздылығына тоқталды.
Модератор Арайлым талқылауды ұйымдастырып, қатысушылардың ой-пікір алмасуына мүмкіндік жасады. Сонымен қатар, Айжан Кудерина кураторлық сағат шеңберінде ұлттық құндылықтарды күнделікті өмірде сақтап, дамыту жолдары туралы сұхбат жүргізді.