Әл-Фараби атындағы ҚазҰУ студенттері мен қонақжайлылық индустриясы өкілі арасындағы кездесу: сертификаттау және мансаптық мүмкіндіктер

Әл-Фараби атындағы Қазақ ұлттық университетінің география және табиғатты пайдалану факультетінің рекреациялық география және туризм кафедрасы ҚТА және ҚАҒИР жанындағы Қонақжайлылық индустриясын сертификаттау орталығының (ҚИСО) директоры Ахиярова Зайтуна Тоқтарқызымен кездесу ұйымдастырды.

Іс-шара «Туризм» және «Мейрамхана ісі және қонақ үй бизнесі» білім беру бағдарламалары бойынша кафедра түлектерін сертификаттау аясында өтті. Кездесу барысында сертификаттаудың түлектердің еңбек нарығындағы бәсекеге қабілеттілігін арттырудағы маңызы және студенттер мен магистранттардың болашақта жұмысқа орналасу мүмкіндіктері талқыланды.

Кездесуге 70-тен астам студент пен кафедра оқытушылары қатысты, бұл туризм және қонақжайлылық индустриясындағы кәсіби сертификаттау мен мансаптық өсу мәселелеріне үлкен қызығушылықтың бар екенін көрсетті.

Сертификаттау студенттерге өздерінің кәсіби біліктілігін растауға мүмкіндік береді, бұл оларды еңбек нарығында сұранысқа ие маман ретінде қалыптастырып, беделді компанияларға жұмысқа орналасу мүмкіндігін арттырады. Кездесуге қатысушылар саланың білікті мамандарына қойылатын талаптар және мансаптық өсу мүмкіндіктері туралы құнды кеңестер алды.

Осындай кездесулер университет пен туристік индустрия өкілдері арасындағы байланысты нығайтуда маңызды рөл атқарады және еңбек нарығында жоғары сұранысқа ие білікті мамандарды даярлауға ықпал етеді.

Сілтеме: https://drive.google.com/file/d/1qPZTqEQp5KnZVDCJLfY5PHQHfr-7sido/view?usp=drive_link