Факультет «Жас ғалымдарына» арналған ғылыми семинар
2025 жылдың 13 ақпан күні әл-Фараби атындағы ҚазҰУ Ғылым департаменті мен Жас ғалымдар кеңесі және Шығыстану факультетінің ұйымдастыруымен «Жас ғалым» ғылыми жобасына өтінім әзірлеу» тақырыбында ғылыми семинар өтті.
Шараны факультет деканының ғылыми-инновациялық қызмет және халықаралық байланыстар жөніндегі орынбасары, PhD Алипова Сая Болатханқызы ашты.
Ғылыми семинарда арнайы шақырылған спикерлер «Тұран» университетінің Халықаралық байланыстар бөлімінің жетекшісі, «Болашақ» бағдарламасының түлегі - Нышанбаев Нұрболат Қайратұлы және Әл-Фараби атындағы ҚазҰУ аналитикалық, коллоидтық химия және сирек элементтер технологиясы кафедрасының аға оқытушысы, химия және химиялық технология факультетінің «Жас Ғалымдар кеңесінің» төрайымы - Бахытжан Елдана Ғалымжанқызы өз баяндамаларын жасады. Баяндамашылар жас ғалымдардың зерттеулерін гранттық қаржыландыру конкурсына өтінім беруден бастап, сараптамалық бағалауға дейін туындаған мәселелер туралы жаң-жақты, талдамалы ақпараттар ұсынды.
Аталған семинар онлайн форматта «Microsoft Teams» платформасында өтті. Семинарға факультеттің жас ғалымдары мен докторанттары қатысты.
Ғылыми семинар жас ғалымдар тарапынан жоғары қызығушылықпен қабылданып, өзара ой-пікір білдіріп, ғылыми зерттеу жобаларын жүргізу барысында туындауы мүмкін сұрақтарына спикерлер тарапынан толық жауаптар ала алды. Өз кезегінде спикерлер өздерінің кәсіби ғылыми жолында кездесетін тәжірибелерімен, лайфхактарымен, қиындықтарымен бөлісті. Семинар соңында факультет деканы, т.ғ.к. Ем Наталья Борисовна сөз сөйлеп, спикерлерге өз алғысын білдірді. Семинар қызықты, әрі нәтижелі өтті.
