Ғылымдағы әйелдер күніне орай марапат

Әл-Фараби атындағы ҚазҰУ-да 11 ақпанда аталып өткен Ғылымдағы  әйелдер халықаралық күніне орай салтанатты жиын өтіп, университетте жігерлі еңбек етіп жүрген әйел ғалымдар марапатталды.

Жиын барысында  ҚазҰУ-дың Басқарма Төрағасы – Ректор Жансейіт Түймебаев отандық ғылымды дамытуға айрықша үлес қосып отырған барша ханымдар мерекесі ерекше орын алатынын және университетіміздің ғылыми қызметкерлердің 71 пайызын нәзік жандылар құрайтынын атап, марапаттар мен алғыс хаттармен құттықтады.

Осы жиында біздің азаматтық құқық және азаматтық іс жүргізу, еңбек құқығы кафедрамыздың аға оқытушысы Урисбаева Айнур Аманкуловна университетіміздің өркендеуі мен дамуына қосқан зор үлесі және ғылым мен жоғарғы білім саласына сіңірген ерен еңбегі үшін «FARABI» алтын медалімен марапатталды. Шын жүректен құттықтаймыз, еңбегіңіз жемісті, игілікті болсын