«Қазақ өнері: мәдени мұра және заманауи даму бағыты» атты дәріс пен шеберлік сабағы

2025 жылы 18 ақпанда Дінтану және мәдениеттану кафедрасының ұйымдастыруымен Qazaq-Oner қолөнершілер орталығында «Қазақ өнері: мәдени мұра және заманауи даму бағыты» атты тақырыпта дәріс пен шеберлік сабағы өтті. Іс-шараның спикері Qazaq-Oner ұлттық ассоциациясының президенті, “Aigul Line” брендін қалыптасырушы, арт-менеджер, креативті индустриялар саласының эксперті, PhD Жансерікова Айгүл Жексенбайқызы болды.

Кездесу барысында қазақ өнерін сақтау және насихаттау, сондай-ақ оны заманауи үрдістерге сай бейімдеу мәселелері талқыланды. Айгүл Жексенбайқызы дәстүрлі қолөнер, ұлттық киім, ою-өрнек және олардың символикасы туралы құнды білімдерімен бөлісті, сондай-ақ Қазақстандағы креативті индустрияларды дамыту мүмкіндіктерін атап өтті. Спикер мәдени мұраны заманауи дизайн мен сәнге интеграциялаудың маңыздылығын атап, ұлттық өнердің жаһандық контекстегі әлеуетіне тоқталды.

Шеберлік сабағы студенттер, оқытушылар және жас зерттеушілер арасында үлкен қызығушылық тудырды. Қатысушылар дәстүрлі қазақ элементтерін заманауи стильде жасау процесімен тәжірибелік түрде танысып, сарапшыға сауалдар қойып және кәсіби кеңестер алу мүмкіндігіне ие болды.

Іс-шараны ұйымдастырушылар: философия ғылымдарының кандидаты Мейрбаев Б.Б., PhD, аға оқытушы Каупенбаева С.М., философия ғылымдарының кандидаты, аға оқытушы Аликбаева М.Б., философия ғылымдарының докторы, профессор, ҚР Педагогикалық ғылымдар академиясының академигі Масалимова А.Р., философия ғылымдарының докторы, доцент Жолдубаева А.К., PhD Альджанова Н.Қ., сондай-ақ дінтану және мәдениеттану кафедрасының «Мәдениеттану» мамандығының 1-курс докторанттары.

Іс-шара жылы және шабыттандыратын атмосферада өтті, бұл қатысушылардың кәсіби өсуіне және Қазақстанның бай мәдени мұрасы туралы білімдерін кеңейтуіне ықпал етті. Мұндай кездесулер академиялық қауымдастық пен креативті индустрия өкілдері арасындағы серіктестік байланыстарды нығайтуға мүмкіндік береді және БҰҰ-ның Тұрақты даму мақсаттарының «Сапалы білім» және «Тұрақты даму үшін серіктестік» бағыттарына сәйкес келеді.

Дінтану және мәдениеттану кафедрасы іс-шараның барлық қатысушылары мен ұйымдастырушыларына алғыс білдіреді және қазақ өнері мен мәдениетін насихаттау саласындағы ынтымақтастық алдағы уақытта жалғасатын табады деп үміттенеді.