2025 жылдың 14 ақпанында сағат 15:00-де Филология факультетінің «Шетел филологиясы және аударма ісі» кафедрасының ұйымдастыруымен 6В02303 – «Аударма ісі» мамандығының 1-курс студенттеріне арналған тренинг өтті. Іс-шара адам құқықтары тақырыбына арнала отырып, Біріккен Ұлттар Ұйымының Тұрақты даму мақсаттарының 10-шы «Теңсіздікті азайту» мен 16-шы «Бейбітшілік, әділеттілік және тиімді институттар» мақсаттарына сәйкес келді. Іс-шара «Шетел филологиясы және аударма ісі» кафедрасының докторанттары А. Шайманов, Б. Тұңғыш және кафедра оқытушылары М. Аймагамбетова және Ә. Байелі жетекшілігімен өткізілді. Тренингтің мақсаты – адам құқықтары туралы студенттердің білімдігін арттырып, Қазақстан азаматтары ретінде, жеке тұлға ретінде өздерінің және өз жақындарының құқықтарын қалай қорғауға болатыны туралы студенттерге ақпарат беру болатын. Кездесу Қазақстан жастар ақпараттық қызметі (ҚЖАҚ) ұйымынан арнайы шақырылған спикерлер мен ерікті студенттердің арқасында өз алдына интерактивке мол, қызу да қызықты тренинг, талқылау ретінде өтті. Тренингте спикер болған келесі студенттер аудиторияны қызықтыра да, ойландыра да алды: Мукашева Адема, Сахан Даулет, Бекмұрат Айша. Іс-шара барысында студенттер жалпыға бірдей адам құқығы декларациясы туралы мәнді де пайдалы ақпарат алып, мемлекет алдындағы міндеттері мен өз құқықтарын біле, ақпараттық желілердегі ҚЖАҚ парақшаларына тіркеліп, азамат ретінде, жеке дара тұлға ретінде де дамуға мүмкіндік алды.
Басқа жаңалықтар
