Баку мемлекеттік университеті магистранттарының әл-Фараби атындағы Қазақ Ұлттық Университетіне іссапары

Баку мемлекеттік университетімен «7М04212 – Теңіз және энергетикалық құқық» магистратурасының қос дипломдық білім беру бағдарламасын жүзеге асыру аясында осы бағыттағы магистранттар Алматы қаласындағы әл-Фараби атындағы Қазақ Ұлттық Университетінде (ҚазҰУ) болды.

Іссапарды Кеден, қаржы және экологиялық құқық кафедрасының меңгерушісі Қуаналиева Г.А., «7М04212 – Теңіз және энергетика құқығы» магистратура бағдарламасы бойынша қос дипломды білім беру бағдарламасының үйлестірушісі профессор Айгаринова Г.Т., эдвайзер Рашева Г.К. ұйымдастырды. Іс-шараларға Баку мемлекеттік университетінің магистранттары: Амирли А., Ибрахимзаде Л., Мамедова С., Мирзаева С., Таярли С., Хусейнова А., Хусейнов А., сондай-ақ ҚазҰУ магистранттары: Білім М., Жүніс А., Қарқын М., Бектұрсынов Д., Нағманов Н., Абилова Д.

Баку мемлекеттік университетінің магистранттары ҚазҰУ-дың білім беру, ғылыми және мәдени мүмкіндіктерімен танысып, қазақстандық әріптестерімен тәжірибе алмасып, теңіз және энергетикалық құқық саласындағы ынтымақтастықтың келешегін талқылай алды.

Баку мемлекеттік университеті мен әл-Фараби атындағы ҚазҰУ арасындағы бұл ынтымақтастық халықаралық білім беру ынтымақтастығын дамытуға, студенттердің академиялық мүмкіндіктерін кеңейтуге және теңіз және энергетикалық құқық саласындағы ғылыми зерттеулерді тереңдетуге ықпал етеді.