Механика-математика факультеті LinkedIn-де профильді жақсарту бойынша воркшопқа қатысты

2025 жылғы 21 ақпанда Әл-Фараби атындағы ҚазҰУ механика-математика факультетінің профессор-оқытушы құрамы LinkedIn кәсіби желісінде профильді жақсартуға арналған практикалық воркшопқа қатысты. Бұл шара АҚШ-тың Қазақстандағы дипломатиялық миссиясымен серіктестікте ұйымдастырылып, American Space Almaty алаңында өтті.

Воркшопты өткізген тәжірибелі PR-консультант Шұғыла Сағынбекова, қатысушыларға LinkedIn-де тартымды әрі кәсіби профиль жасау жолдарын көрсетті, ол профиль болашақ жұмыс берушілердің, инвесторлардың және серіктестердің назарын тартуға мүмкіндік береді. Шұғыла өз дағдылары мен жетістіктерін тиімді ұсыну бойынша кеңестер бөлісіп, платформаны карьерлік өсуге, инвестициялар тартуға және кәсіби желіні кеңейтуге қалай пайдалану керектігін түсіндірді.

Іс-шара механика-математика факультетінің профессор-оқытушы құрамына жеке және кәсіби брендтерін дамытуға, сондай-ақ өздерінің ғылыми зерттеулерін және мақалаларын халықаралық деңгейде танытуға тамаша мүмкіндік берді. Қатысушылар LinkedIn-ді өз ғылыми жұмысын насихаттау үшін тиімді пайдаланудың жолдары бойынша сұрақтар қойып, зерттеу мақалаларын жариялау мен ілгерілету мүмкіндіктерін талқылады, сондай-ақ халықаралық ғылыми қауымдастықта өз ғылыми жетістіктерінің танылуын арттыру жолдарын қарастырды. Воркшоп халықаралық LinkedIn желісінде өз мүмкіндіктерін кеңейтуге және өз профильдерін жаңа деңгейге көтеруге ұмтылатын кәсіпқойлар мен кәсіпкерлерді қолдауға бағытталған бағдарлама аясында өтті.

Бұл шара бірнеше тұрақты даму мақсаттарымен тығыз байланысты, соның ішінде ТДМ 4: Сапалы білім, өйткені воркшоп қатысушылардың кәсіби дағдыларын дамытуға және жақсартуға бағытталған, сондай-ақ білім беру және ғылыми процестердің сапасын арттыруға мүмкіндіктер жасауды көздейді. Сонымен қатар, ол ТДМ 8: Лайықты жұмыс және экономикалық өсу мақсаттарын қолдайды, қатысушыларға карьерлік өсу үшін қажетті құралдар мен іскерлік байланыстарды кеңейту мүмкіндігін береді, бұл экономикалық мүмкіндіктердің дамуына және карьерлік перспективаға үлес қосады. Воркшоп сондай-ақ ТДМ 17: Мақсаттарға жету үшін серіктестік мақсаттарын қолдайды, халықаралық кәсіби байланыстарды нығайтып, білім алмасуды арттырады, бұл ғаламдық деңгейдегі ғылыми және білім беру серіктестігін дамыту үшін маңызды.