Халықаралық ғылыми дөңгелек үстел: Қазақстан Республикасы мен Әзербайжанның теңіз заңнамасы (БҰҰ ТДМ №14 «Теңіз экожүйелерін сақтау»)

Кеден, қаржы және экологиялық құқық кафедрасында 2025 жылғы 21 ақпанда екі дипломдық «7M04212 – Теңіз және энергетикалық құқық» магистратура бағдарламасы аясында білім алатын Баку мемлекеттік университеті мен Әл-Фараби атындағы Қазақ ұлттық университетінің магистранттары Қазақстан Республикасы мен Әзербайжанның теңіз заңнамасына арналған халықаралық ғылыми дөңгелек үстелге қатысты. Бұл іс-шара БҰҰ-ның Тұрақты даму мақсаты (ТДМ) №14 «Теңіз экожүйелерін сақтау» аясында ұйымдастырылып, теңіз ортасын қорғау және теңіз қызметін реттеудің өзекті құқықтық аспектілерін талқылауға бағытталды.

Іс-шараны Кеден, қаржы және экологиялық құқық кафедрасының меңгерушісі, профессор  Г.А. Қуаналиева, «7M04212 – Теңіз және энергетикалық құқық» екі дипломдық білім беру бағдарламасының үйлестірушісі профессор Г.Т. Айгаринова және эдвайзер Г.К. Рашева ұйымдастырды. Қатысушылар қатарында Баку мемлекеттік университетінің магистранттары: Амирли Әзиза Илһам, Ибрахимзаде Лала, Маммадова Севда, Мирзаева Севиндж, Таярлы Синан, Хусейнова Айнұр, Хусейнов Араз, сондай-ақ Әл-Фараби атындағы Қазақ ұлттық университетінің магистранттары: Қарқын М., Абилова Д., Нагманов Н., Бектұрсын Ж.  және заң факультетінің студенттері де болды.

Халықаралық ғылыми дөңгелек үстел барысында қатысушылар Қазақстан мен Әзербайжандағы теңіз ортасын қорғаудың негізгі құқықтық тетіктерін, қазіргі сын-қатерлерді және оларды шешу жолдарын талқылады. Теңіз ресурстарын пайдалану мен ластанудың алдын алуды реттейтін халықаралық келісімдер мен шарттар қарастырылды. Ерекше назар теңіз ортасын тұрақты басқаруды қамтамасыз етудегі ұлттық заңнаманың рөліне және теңіз экожүйелерін қорғау саласындағы құқық қолдану тәжірибесіне аударылды.