«Бірлік пен татулық – еліміздің тұрақты дамуының негізі»
Бүгін 22 ақпанда Алматы қаласындағы республикалық Достық үйінде Әл-Фараби атындағы қазақ ұлттық университетінің Филология факультетінің шет тілдері кафедрасы мен «Мурас» қырғыз этнмәдени орталығы тарапынан біргелесіп ұйымдастырылған «Қазақстан халқы Ассамблеясының 30 жылдық мерейтойына арналған «Бірлік пен татулық – еліміздің тұрақты дамуының негізі» атты іс-шара өтті.
Шараға Алматы қаласы республикалық Достық үйінің басшысы Альтекова Нұрсауле Әбдіқадырқызы, «Шешен ингуш халықтарының мәдениетінің дамыту «Вайнах» қауымдастығы» ЗТБ тең төрағасы Мурадов Ахмед Сейдрахманович, «Мурас» қырғыз этномәдени орталығы төрағасының орынбасары Ташыбеков Манас Нурмаматович, Кыргыз Републикасынын республикалык «Кыргыз тили» коғамының президенти Курбанов Райымжан Рахманович, республикалық және қалалық этномәдени бірлестіктердің басшылары мен мүшелері, Әл-Фараби атындағы ҚҰУ-нің филология факультетінің шет тілдері кафедрасының оқытушылары мен университетіміздің 1-курс студенттері қатысты.
Іс-шара жастар арасында ынтымақ пен татулықты, жалпы ұлттық бірлікті нығайтып, жастардың потриоттық тәрбиесін күшейтіп олардың қоғамдық белсенділігін арттыруға бағытталды
Арнайы құттықтау сөздерден кейін іс-шара Әл-Фараби атындағы Қазақ ұлттық университетінде білім алып жатқан әртүрлі ұлт өкілдерінің қатысуымен мерекелік концерттік бағдарламасына ұласты. Білім алушылар қырғыз, өзбек, түрік, түркімен, неміс этностарының және қазақтардың би, ән және музыкалық қойылымдарын орындап, әрқайсысы өз ұлттарының мәдениетін паш етті.
https://www.instagram.com/reel/DGYNrUcCzJx/?igsh=MXdjc2MxMGZ6NWhkYw==
