«Ғылыми жобалардың техникалық рәсімделуі жөніндегі нұсқаулар»

2025 жылғы 24 ақпан күні Әл-Фараби атындағы Қазақ ұлттық университетінің Филология факультеті, Түркітану және тіл теориясы кафедрасында 4-курс студенттеріне арналған семинар өтті. Семинарды кафедраның филология ғылымдарының кандидаты  Уматова Ж.М. жүргізді.

Семинардың басты тақырыбы – «Ғылыми жобалардың техникалық рәсімделуі жөніндегі нұсқаулар», онда дипломдық және диссертациялық жұмыстарды рәсімдеудің негізгі талаптары мен ережелері түсіндірілді.

Семинар барысында студенттерге келесі маңызды аспектілер бойынша мәлімет берілді: қаріптер, интервалдар және шеттер – академиялық стандарттарға сәйкес қатаң талаптар сақталуы қажет; анықтама және библиографияны пішімдеу – пайдаланылған әдебиеттер тізімі ретсіз емес, ғылыми жұмыстағы сілтемелердің ретіне сәйкес берілуі тиіс; жұмыстың құрылымы – титул беті, аңдатпа, мазмұны, анықтамалар, кіріспе, негізгі бөлім, қорытынды және пайдаланылған әдебиеттер тізімі нақты құрылымға сәйкес рәсімделуі керек.

Семинар барысында студенттерге дипломдық жұмыс жазу барысында жиі кездесетін қателіктер мен оларды болдырмау жолдары да түсіндірілді. Сонымен қатар, ғылыми жұмысты дұрыс рәсімдеу тексеру кезеңінде уақыт пен күш-жігерді үнемдеуге көмектесетіні атап өтілді.

Семинар соңында қатысушылар өздерін қызықтырған сұрақтарын қойып, ғылыми жұмысты рәсімдеу бойынша практикалық кеңестер алды.

Ұйымдастырушы: Түркітану және тіл теориясы кафедрасының ф.ғ.к., Уматова Ж.М.