📢 «80 күн – 80 іс-шара» Ұлы Жеңістің 80 жылдығына орай жалғасуда!

Кеңес Армиясы күніне орай – фашизмді талқандаған және тарихқа батырлықтың алтын әріптермен жазылған беттерін қалдырған армияның құрметіне, әл-Фараби атындағы ҚазҰУ-дың қылмыстық құқық, қылмыстық процесс және криминалистика кафедрасының студенттері мен оқытушылары Қазақстан Республикасы Қарулы Күштерінің Әскери-тарихи музейіне барды.
📅 Күні: 23 ақпан 2025 ж.
📍 Өтетін орны: ҚР Қарулы Күштерінің Әскери-тарихи музейі
🔎 Экскурсия тарихқа сапар болды – сұрапыл соғыс жылдарынан Ұлы Жеңістің жарқын күндеріне дейінгі кезеңді қамтыды. Бірегей жәдігерлер, түпнұсқа артефактілер мен кеңес жауынгерлерінің ерлігі жайлы сыр шерткен оқиғалар қатысушыларға әлем тарихын өзгерткен сәттерді сезінуге мүмкіндік берді.
🔥 «Батырларымыздың ерлігін есте сақтау ғана емес, оны болашақ ұрпаққа жеткізу – біздің қасиетті борышымыз», – деп атап өтті оқытушылар.
🕊️ Құрметтейміз. Еске аламыз. Ризашылық білдіреміз.
📸 Экскурсияның жарқын сәттерімен бөлісіп, әрбір жанды тарихи шындықты сақтау және батырлар мұрасына құрметпен қарауға шақырамыз!