«Бірлік пен келісім жолында 30 жыл» Алғыс айту күніне және Қазақстан халқы Ассамблеясының 30 жылдығына арналған салтанатты іс-шара

27.02.2025 жылы Қазақстан халқы Ассамблеясының 30 жылдығына орай Алматы қаласының Достық үйінде түрлі этномәдени бірлестіктердің, мемлекеттік органдардың, қоғам қайраткерлері мен бірлік пен келісім идеяларына шын жүректен берілген белсенді азаматтардың өкілдерін жинаған салтанатты іс-шара өтті.

Жас ғалымдар мен біздің университет атынан әл-Фараби атындағы ҚазҰУ-дың дінтану және мәдениеттану кафедрасының философия және саясаттану факультетінің докторанты Хасиетова Жания Жарасқызы қатысты. Салтанатты шарада докторантымыз «Қазақстан халқы Ассамблеясының ұлттық бірегейлікті қалыптастырудағы рөлі» тақырыбында баяндама жасады. Өз баяндамасында Хасиетова Ж.Ж. елдегі ұлттық бірегейлік пен этносаралық келісімді нығайтуға ықпал ететін негізгі институт ретінде Қазақстан халқы Ассамблеясының маңыздылығын талқылады.

Іс-шара барысында ҚХА-ның үш онжылдықтағы жұмысының қорытындысы шығарылып, ұлтаралық диалогты нығайтудағы ма ңызды жетістіктер атап өтілді және қоғамда бейбітшілік пен келісім мәдениетін одан әрі дамыту бойынша жаңа бастамалар айтылды.

Қорытындылай келе, докторант Хасиетова Ж.Ж. Қазақстан халқы Ассамблеясы диалог, өзара түсіністік және қоғамды біріктіру үшін әлеуметтік институт бола отырып, қазақстандық бірегейлікті қалыптастыруда аса маңызды рөл атқаратынын атап өтті. Оның қызметінің арқасында Қазақстан этносаралық келісім мен тұрақтылықтың бірегей үлгісімен ел мәртебесін сақтап келеді.

Философия және саясаттану факультеті

Дінтану және мәдениеттану кафедрасы

2 курс докторанты Хасиетова Ж.Ж.

                                                                                                                                                                                           Ғылыми жетекшісі: Исмагамбетова З.Н.