Кедейлікті жою тұрақты дамуға апаратын қадам ретінде

2025 жылдың 25 ақпанында сағат 11:00-де Фараби атындағы Қазақ ұлттық университетінің Филология факультетінің «Шетел филологиясы» мамандығының және 1 курс «Дизайнер» мамандығының студенттері БҰҰ-ның ТДМ 13-ші бағыты – «Климаттың өзгеруімен күрес» тақырыбында іс-шара ұйымдастырды.

Іс-шара толықтай ағылшын тілінде 1 курс докторанты Шайманов Арманның жүргізуімен өтті, бұл қатысушыларға жаһандық экологиялық мәселелерді талқылап қана қоймай, тілдік дағдыларын жақсартуға мүмкіндік берді. Студенттер климаттың өзгеруімен күрес мәселелерін, экологиялық проблемаларды шешу жолдарын, сондай-ақ университеттер мен жастар ұйымдарының бұл жаһандық мәселені шешудегі рөлін талқылады.

Бұл іс-шара тұрақты даму мақсаттарын жүзеге асырудағы маңызды қадам болды және студенттерге климаттың өзгеруіне қарсы күрес бойынша өз идеялары мен ұсыныстарын білдіру алаңын ұсынды. Қатысушылар өз зерттеулері мен жобаларын таныстырып, қоршаған ортаны қорғау бойынша тиімді әдістерді талқылады.

Фараби атындағы ҚазҰУ тәуелсіз студенттік ұйымдарды қолдайды және студенттердің әлеуметтік мәселелерді талқылауына, сондай-ақ университет пен басқа да мүдделі тараптардың экологиялық тұрақтылыққа қол жеткізуіне ықпал етеді.

Іс-шара студенттердің жаһандық экологиялық мәселелерді шешуге белсенді араласуының жарқын үлгісі болды. Ол жастардың азаматтық позициясын, сондай-ақ экологиялық сананың жоғары деңгейін көрсетіп, тұрақты және жасыл болашақты қалыптастыруға деген ұмтылысын айқындады.

Шетел филологиясы және аударма кафедрасының аға оқытушысы А. С. Аушенова