Ердос Канаевпен кездесу: табысқа жетудің құпиялары мен шабыттандыру сабақтары

2025 жылғы 26 ақпанда Әл-Фараби атындағы Қазақ ұлттық университетінің заң факультетінің 104-топ студенттері куратор Қонысбай Б.М. жетекшілігімен Ердос Канаевпен, танымал «Жігіттер» тобының әншісімен кездесті. Бұл іс-шара Тұрақты даму мақсаттарының №17 «Тұрақты даму мүддесіндегі серіктестік» аясында ұйымдастырылып, жастар мен табысты тұлғалар арасындағы өзара әрекеттестіктің маңыздылығын көрсетті.

Кездесудің басты мақсаты – студенттерді жеке және кәсіби дамуға шабыттандыру, сондай-ақ мәдениет пен өнердің қоғамдағы рөлін талқылау. Ердос Канаев өз тәжірибесімен бөлісіп, шығармашылық жолының басталуы, қиындықтары мен жетістіктері туралы әңгімеледі.

Студенттер кездесудің шабыттандыратын әрі танымдық болғанын атап өтті. Өз еңбегі мен талантының арқасында табысқа жеткен тұлғаның үлгісі көпшілікке мотивация берді. Ердос Канаевпен болған әңгіме қатысушыларға табандылық, мақсатқа ұмтылу және өз ісіне деген сүйіспеншіліктің үлкен жетістіктерге жетелейтінін түсінуге көмектесті.