«Біздің айналамыздағы теңсіздік: біз оны көріп жүрміз бе?» ТДМ 10 «Теңсіздікті азайту» аясында

«Аударма ісі» мамандығының 1 курс магистранты Ермекқызы Айнұр 2025 жылдың 13 наурызында «Шетел филологиясы» мамандығының 3 курс студенттері үшін педагогикалық практика аясында «Біздің айналамыздағы теңсіздік: біз оны көріп жүрміз бе?» тақырыбында ТДМ 10 «Теңсіздікті азайту» аясында тәрбие сағатын өткізді. Іс-шараға шетел филологиясы және аударма ісі кафедрасының аға оқытушысы Л.Б. Нагиятова да қатысты.

Іс-шара барысында әлеуметтік теңсіздік өмірдің әртүрлі салаларында көрініс табатыны және оның ашық немесе жасырын түрде болатыны атап өтілді. Теңсіздікке байланысты қазіргі заманғы мәселелерді талдау бағыттары ұсынылып, оларды шешу жолдары қарастырылды. Студенттер әлеуметтік, экономикалық және білім беру саласындағы дискриминацияның негізгі аспектілерін, сондай-ақ олардың жаһандық және жергілікті деңгейлерге әсерін зерттеді. Әсіресе, әртүрлі әлеуметтік топтар үшін мүмкіндіктердің қолжетімділігі, білім берудің теңсіздікті азайтудағы рөлі және әлеуметтік әділеттілікке жету механизмдеріне ерекше назар аударылды. Талқылау барысында халықаралық тәжірибе мен күнделікті өмірден алынған мысалдар, сондай-ақ осы мәселеге қатысты терминдер мен ұғымдар талданды.

Студенттер белсенді түрде пікірталасқа қатысып, өз ойларымен бөлісіп, әлеуметтік алшақтықты азайтуға арналған ықтимал шешімдерді ұсынды. Іс-шара қазақ, орыс және ағылшын тілдерінде өтті.

Ұйымдастырушылар:

«Аударма ісі» мамандығының 1 курс магистранты: А. Ермекқызы

Шетел филологиясы және аударма ісі кафедрасының аға оқытушысы: Л.Б. Нагиятова