Механика-математика факультеті қызметкерлерінің Horizon Europe тренингіне қатысуы

2025 жылдың 13-14 наурызы аралығында әл-Фараби атындағы Қазақ ұлттық университетінің Ғылым және инновация департаменті ұйымдастырған онлайн тренингінде Horizon Europe бағдарламасына табысты өтінімдер дайындау бойынша арнайы курс өтті. Тренинг қатысушыларды жаңа конкурс тақырыптарымен, өтінім жазудың негізгі элементтерімен және оларды дайындау процедураларымен таныстыруды мақсат етті.

Шара онлайн форматында MS Teams платформасы арқылы өткізілді, бұл барлық қатысушыларға орналасқан жеріне қарамастан ыңғайлы болды.

Механика-математика факультетінің ҒЗЖ ж ХБ жөніндегі декан орынбасары Сабирова Р.Ф. мен факультет оқытушы құрамының мүшелері тренингке белсенді қатысып, өтінімдердің құрылымын, олардың мазмұнының негізгі аспектілерін және бағалау критерийлерін тереңірек зерттеді. Бұл тренинг олардың Horizon Europe конкурстарына қатысу мүмкіндігін айтарлықтай арттырады.

Тренинг Horizon Europe (HEU) бағдарламасы аясында өткізілді. Шараның спикерлері:

Шокатаева Дина Хабдулманатовна, PhD, Биология және биотехнология проблемалары ғылыми-зерттеу институты директорының орынбасары, биотехнология кафедрасының аға оқытушысы, ол Horizon Europe туралы жалпы презентация ұсынды.

Маштаева Шамшагуль Ибрагимовна, география ғылымдарының кандидаты, метеорология және гидрология кафедрасының аға оқытушысы, ол 2025 жылға арналған Horizon Europe конкурстарының шолуын жасап, жұмыс бағдарламасын таныстырды.

Тренинг ТДМ 9: Индустриализация, инновациялар және инфрақұрылым мақсаттарын қолдауға ықпал етіп, инновациялар мен ғылыми зерттеулердің дамуына жәрдемдесті. Сонымен қатар, тренинг ТДМ 4: Сапалы білім, мақсаттарын қолдай отырып, халықаралық ғылыми жобаларға жоғары білікті мамандарды даярлау мен білім беру бағдарламаларын жетілдіруге ықпал етті.