Қазақстандағы оқу қытайлық студенттің көзімен: Ван Сыюймен сұхбат

Біз ҚазҰУ, шығыстану факультеті, қытайтану кафедрасында оқып жатқан шетелдік студенттермен сұхбаттастық. Соның бірі - Ван Сыюй. Жасы 23-те. ҚХР-дан келген. Қазіргі таңда «Аударма ісі» білім беру бағдарламасында 3 курста оқиды.

• Неліктен ҚазҰУ-ды таңдадыңыз?
• Өйткені бұл оқу орнының халықаралық рейтингі жоғары.
• Университетке түсу кезінде қандай қиындықтарға тап болдыңыз?
• Аса қиындықтар болған жоқ, тек шақырту тым кеш берілді.
• Шығыстану факультетінде оқудың қандай артықшылықтарын атап өтесіз?
• Артықшылықтары көп. Оқытушылар қытай тілінде сөйлей алады.
• Оқуыңызға көңіліңіз тола ма?
• Иә, оқу үлкен қанағат әкеледі.
• Қазақстандағы білім беру жүйесі мен сіздің еліңіздегі білім беру жүйесінің қандай айырмашылықтары бар?
• Күнделікті өмір салты мен әлеуметтік әдеттерде кейбір айырмашылықтар бар.
• Университеттің инфрақұрылымына (жатақхана, кітапхана, зертханалар) қанағаттанасыз ба?
• Иә.
• Сіз қазақ және орыс тілдерінде сөйлейсіз бе?
• Мен тек орыс тілінде сөйлеймін және күнделікті өмірде орыс тілін қолданамын.
• Университетте немесе қалада жергілікті студенттермен қарым-қатынас жасау қиын ба?
• Қиын, өйткені орыс тілі қиын. Жаңа сөздерді есте сақтау және орыс фильмдерін көруде қиындықтар кездеседі.
• Қазақстандағы өмірге бейімделу қаншалықты қиын немесе оңай болды?
• Қиын болған жоқ.
• Қазақ мәдениеті мен сіздің еліңіздегі мәдениеттің қандай айырмашылықтарын байқадыңыз?
• Мұнда әлеуметтік мәдениет Қытайдан өзгеше.
• Бос уақытыңызды қалай өткізесіз?

- Үйде боламын, кейде серуенге шығамын.

- Қазақстандағы өмір сүру құны сіздің еліңізбен салыстырғанда қандай?

-  Алматыда өмір сүру қымбат, Бейжіңге қарағанда баға жоғары. Мысалы, жалға алу ақысы, сондай-ақ көкөністер мен жемістер де қымбат.

- Қазақстанда оқу тәжірибеңізді басқа шетелдік студенттерге ұсынар ма едіңіз?

- Иә.

- Сұхбатыңызға рахмет!