ТДМ-4: «Мәдениет және ұлттық салт-дәстүр» күніне іс-шара өтті

Оқу ордамызда «Сұңқар» студенттер мен магистранттар кәсіподағындағы Әл-Фараби кітапханасының «Фараб» оқырмандар клубы мен кітапхана ұжымы бірлесе отырып 17 наурыз күні «Мәдениет және ұлттық салт-дәстүр күніне» орай қазақ халқының бай мәдениеті мен ұрпақтан ұрпаққа мұра болып келе жатқан ұлттық құндылықтарын дәріптеу мақсатында іс-шара өткізді.

Іс-шара барысында халқымыздың түрлі салт-дәстүрлері айтылып, ұмытылған дәстүрлерімізді қайта жаңғыртудың маңызын көрсетті. Дастархан басына ұлттық тағамдарымызды қойып, іс-шараға қатысушылар ұлттық нақышта киініп, асыл мұрамызды жаңғырттық.

Бұл дәстүрлер арқылы қазақ халқы өздерінің моральдық және рухани құндылықтарын көрсетіп, ұлттың тарихы мен әдет-ғұрпын сақтайды. Ал біздің міндет – бабадан қалған бай дәстүрімізді ұмытпай, келешек ұрпаққа табыстау!