"Мақал-мәтелдер" атты ашық дәріс сабағы
2025 жылдың 20 ақпанында ТДМ 4: “Сапалы білім ” бағыты бойынша филология факультетінің қазақ әдебиеті және әдебиет теориясы кафедрасының аға оқытушы А.Қ. Саргелтаева мен практика жетекшісі аға оқытушы, ф.ғ.д. Г.Ж. Болатованың жетекшілігімен «Әдебиеттану» мамандығының I курс докторанты Манапбаева Жұлдыз Бекболатқызы «Қазақ филология" мамандығының 2 курс студенттеріне "Мақал-мәтелдер" атты ашық дәріс сабағын өткізді.Дәрістің негізгі мақсаты – мақал мен мәтелдердің құрылымдық және жанрлық ерекшеліктерін анықтау, олардың қазақ халқының дүниетанымы мен тәрбиелік мәнін түсіндіру.Дәріс барысында студенттерге мақал мен мәтелдердің тарихи дамуы, олардың тілдік және мағыналық айырмашылықтары туралы жан-жақты мәлімет берілді. Теориялық материалдарды игеруге көмектесу үшін көрнекі мысалдар қолданылып, интерактивті сұрақ-жауап әдісі жүргізілді. Сонымен қатар, әдеби мәтіндерден алынған мақал-мәтелдердің қолданысы талданып, олардың мазмұны мен астарлы мағынасы ашылып көрсетілді.Студенттер дәріс барысында өз ойларын ортаға салып,мақал-мәтелдердің бүгінгі қоғамдағы маңызы туралы пікір алмасты. Дәрістің қорытынды кезеңінде студенттерге шағын талдау жұмыстары ұсынылып, олардың тақырыпты қаншалықты меңгергені бағаланды.Бұл дәріс студенттердің халық ауыз әдебиетіне деген қызығушылығын арттырып, тілдік және әдеби білімдерін тереңдетуге мүмкіндік берді.
