Ұлттық нақыштағы іс-шара «Бүгінгі қоғам және қазақтың әдет-ғұрпы»

2025 жылдың 20 наурызында «Шетел филологиясы» мамандығының 1-курс магистратура студенттері Бекмырзақызы Анар мен Абдусаламова Гүлназ педагогикалық практика аясында куратор Гүлсима Дайрабекова жетекшілік ететін «Шетел филологиясы» мамандығының 3-курс студенттеріне Гүлсима Дайрабекованың басшылығымен «Бүгінгі қоғам және қазақтың әдет-ғұрпы» тақырыбында ұлттық нақыштағы іс-шара форматында кураторлық сағат өткізді. Іс-шараның мақсаты – қазақ халқының салт-дәстүрлерінің қазіргі қоғамдағы рөлін талқылау, олардың маңыздылығын бағалау және заман ағымына сәйкес өзгеру қажеттілігі туралы ой бөлісу болды.

Кураторлық сағат пікірталас және ойын элементтері қамтылған дебат форматында өтті. Студенттер екі топқа бөлініп, қазақ халқының салт-дәстүрлері мен әдет-ғұрыптарының бүгінгі қоғамдағы орнын талқылады. Бірінші топ дәстүрлерді сол күйінде сақтау қажеттігін алға тартса, екінші топ оларды заман талабына сай икемдеу керек деген көзқарасты қорғады. Талқылау барысында қазақтың дәстүрлері мен олардың мәні, ұлттық құндылықтарды сақтаудың маңызы, жаһандану жағдайында қазақи болмысты сақтау мәселелері сөз болды.

Сонымен қатар іс-шара аясында интерактивті ойын ұйымдастырылды. Ойын барысында әр топ қарсыластарына белгілі бір салт-дәстүрді сипаттап, жасырын түрде ұсынды, ал екінші топ оның атауын тауып, мәнін түсіндіруге тырысты. Бұл әдіс студенттердің қызығушылығын арттырып, қазақтың салт-дәстүрлеріне деген танымдық көзқарасын кеңейтті.

Кураторлық сағаттың қорытындысында ұйымдастырушылар студенттердің белсенділігі мен қызығушылығын жоғары бағалап, дәстүр мен жаңашылдықтың өзара байланысын терең түсіну – әрбір жас ұрпақ үшін маңызды екендігін атап өтті. Іс-шара қазақ халқының мәдени мұрасын құрметтеуге, ұлттық құндылықтарға жаңаша көзқараспен қарауға мүмкіндік берді. Студенттер өз ойларын еркін білдіріп, пікір алмасу арқылы тақырыпты жан-жақты қарастыруға мүмкіндік алды. Іс-шара мазмұнды және пайдалы өтті.

Ұйымдастырушылар:

«Шетел филологиясы» мамандығының 1-курс магистранттары

Бекмырзақызы Анар, Абдусаламова Гүлназ

Шетел филологиясы және аударма ісі кафедрасының аға оқытушысы, Г.Дайрабекова