Тұрақты қаланы жоспарлауда экологиялық принциптер мен технологиялар: энергия тиімділігі, жаңартылатын энергия көздері, жасыл ғимараттар мен көгалдандыру

01.04.25 күні Шетел филологиясы және аударма ісі кафедрасының аға оқытушылары Г.К. Дайрабекова, А.Т. Алимбаева 6B02303 -Шетел филологиясы (батыс тілдері) мамандығының 3 курс оқитын студенттерімен «Тұрақты қаланы жоспарлауда экологиялық принциптер мен технологиялар: энергия тиімділігі, жаңартылатын энергия көздері, жасыл ғимараттар мен көгалдандыру» (ТДМ 11.  Тұрақты қалалар мен елді мекендер) атты тақырыпта №17 студенттер жатақханасындағы кезекшілік іс-шарасын өткізді.
Іс-шарада тұрақты қала мен елді мекендер - экологиялық, экономикалық және әлеуметтік тұрғыдан теңдестірілген дамуға негізделген қалалар мен елді мекендер туралы айтылды. Мұндай аймақтарда тұрғындардың жоғары өмір сапасын қамтамасыз ету үшін энергия тиімділігі, табиғи ресурстарды үнемдеу, экологиялық таза көлік жүйелері және жасыл инфрақұрылым қолданылады. Сондай-ақ, тұрақты қала мен елді мекендер азаматтардың әлеуметтік теңдігі мен қауіпсіздігін қамтамасыз етіп, қоғамның барлық мүшелері үшін қолайлы орта қалыптастыруды көздейді. Мұндай даму үрдісі экологиялық тепе-теңдікті сақтауға, климаттық өзгерістерге қарсы тұруға және болашақ ұрпақтар үшін сапалы өмір сүру жағдайларын қамтамасыз етуге бағытталған.