09.09.2024 жылы әл-Фараби атындағы ҚазҰУ заң факультетінің кеден, қаржы және экологиялық құқық кафедрасының профессорлық-оқытушылық құрамы «Beijing Guantao Law Firm Almaty Office» Пекин заң компаниясының Қазақстандағы өкілдерімен кездесу өткізді.
Бұл кездесуде тараптар кеден, қаржы және экологиялық құқық салаларындағы өзекті мәселелерді талқылап, бірлескен ғылыми-зерттеу жобаларын жүргізу, оқу бағдарламаларын жаңғырту және студенттерге өндірістік тәжірибе ұсыну бағытында ынтымақтастық орнату жайын қарастырды. Қонақтар трансшекаралық саудадағы құқықтық тәуекелдер, халықаралық арбитраж, мәжбүрлеп орындату тетіктері, сондай-ақ ESG және экологиялық комплаенс стандарттарын енгізудің практикалық қырлары бойынша тәжірибелерімен бөлісті. Кафедра оқытушылары кеден құқығын цифрландыру, қаржылық мониторинг (AML/CFT) және «жасыл» қаржыландырудың құқықтық негіздері тақырыптарында электив курстардың бірлескен силлабустарын әзірлеу мүмкіндігін ұсынды.
Кездесу нәтижесінде «Beijing Guantao Law Firm Almaty Office» базасында ҚазҰУ студенттеріне қысқа және ұзақ мерзімді тағылымдамалар ұйымдастыру, практик-заңгерлердің қатысуымен қонақ дәрістер мен шеберлік сыныптарының тұрақты сериясын өткізу, сондай-ақ mock-trial/мут-сот форматындағы бірлескен оқу іс-шараларын іске асыру бойынша алдын ала уағдаластыққа қол жеткізілді. Тараптар академиялық ұтқырлық, бірлескен жарияланымдар және заң клиника шеңберінде нақты істерді талдау бағыттарында жұмысшы топ құрып, ықпалдастықтың жол картасын дайындауға ниет білдірді. Кездесу жылы атмосферада өтіп, екі жақ та алдағы ортақ жобалардың жастардың кәсіби қалыптасуына және өңірдегі құқықтық тәжірибенің сапасын арттыруға серпін беретініне сенім білдірді.
Кездесуде заң факультетінің кеден, қаржы және экологиялық құқық кафедрасы мен «Beijing Guantao Law Firm Almaty Office» Пекин заң компаниясының арасында ынтымақтастық Меморандумға қол қойылды.
Кездесуде болған:
Кеден, қаржы және экологиялық құқық кафедрасының меңгерушісі з.ғ.д., профессор Куаналиева Гульдана Амангельдиевна
Кеден, қаржы және экологиялық құқық кафедрасының профессоры, з.ғ.д., Д.Л.Байдельдинов
Кеден, қаржы және экологиялық құқық кафедрасының профессоры, з.ғ.к., Г.Т.Айгаринова
Кеден, қаржы және экологиялық құқық кафедрасының аға оқытушысы С.М.Жапақов
Қытай өкілдері:
杨天斌 北京观韬律师事务所中亚法律事务部主任
Ян Тяньбинь, Пекиндік «Гуантао» заң фирмасының Орталық Азия бойынша құқықтық мәселелер департаментінің директоры
金小孟 乌鲁木齐市律师协会会长
Цзинь Сяомэн, Үрімжі қалалық заңгерлер қауымдастығының төрағасы
王卫东 乌鲁木齐市律师协会副会长
Ван Вэйдун, Үрімжі қалалық заңгерлер қауымдастығы төрағасының орынбасары
Басқа жаңалықтар
